Duvshaniot
Дувшаниот (ибронийча: דובשניות), асал тугмачалар номи билан ҳам танилган, асалдан ва зираворлардан тайёрланадиган, анъанавий тарзда Рош ҳа-Шона ва асосий яҳудий байрамларини нишонлаш учун пишириладиган машҳур Исроил печенеси ҳисобланади.
Умумий маълумот
Дувшаниот кичик, юмалоқ, ўртача жигарранг рангдаги печенедир. Улар турли хил зираворлар, жумладан долчин, мускат ёнғоғи, кардамон ёки баҳарат билан тайёрланади. Уларнинг инглизча ҳоней буттонс (асал тугмачалар) номи таркибида асал ёки силан ишлатилиши туфайли қўлланилади. Бу уларга ўзига хос, зираворли асал таъмини беради. Дувшаниот одатда устига фондант суртилган ҳолда, ёки оддий кўринишда сотилади[1].
Дувшаниот яҳудий байрами Рош ҳа-Шона билан боғлиқ бўлиб, асал истеъмол қилиш орқали „ширин янги йил“ни қарши олиш анъанасининг бир қисми ҳисобланади[2]. Исроилда оилалар ва дўстларнинг бир-бирларига дувшаниот каби печене ва ширинликлар солинган совға савати юборишлари кенг тарқалган одатдир[2].
Дувшаниот Исроил бўйлаб нонвойхоналарда асосий байрамлар мавсумида сотувда бўлади. Осем каби компаниялар томонидан ишлаб чиқарилган қадоқланган турлари Исроилдаги озиқ-овқат ва қулайлик дўконларида сотилади ҳамда Америка Қўшма Штатлар каби давлатларга экспорт қилинади.
Бошқа маданиятларда
Европада дувшаниотга ўхшаш бошқа печене ва бисквит турлари ҳам мавжуд, жумладан Руминиядан асал қўшилган Туртă дулcе cу миэре (асалли занжабил нони) ва Швейцариядан Баслер Лäcкерли кабилар бор.
Манбалар
- ↑ „Дреам Сwеэц“. Тҳе Жерусалем Пост. Қаралди: 2019-йил 24-октябр.
- ↑ 2,0 2,1 „Дувшаниот- Исраэли Cоокиэ“. Тҳе Пҳиладелпҳиа Жеwиш Воиcе. Қаралди: 2019-йил 24-октябр.