Ziyosfera

Eduard Regel

Эдуард Людвигович (Эдуард Август) Регел (олмонча: Эдуард Аугуст вон Регел , 1815 - 1892) — фалсафа доктори, ботаник ва боғдорчилик бўйича олим. Асли келиб чиқиши олмониялик. Петербург фанлар академияси мухбир а’зоси, Махфий маслаҳатчи (1887-йилдан) бўлиб ҳам ишлаган.

Эдуард Людвигович Регел
Эдуард Аугуст вон Регел
Таваллуди 13-август 1815-йил
Готҳа Турингия GermaniyaГермания
Вафоти 27-апрел 1892-йил(1892-04-27)
(76 ёшда)
Санкт-Петербург Россия империяси
Касби фалсафа доктори, ботаник ва боғдорчилик бўйича олим

Шарқий Сибир, Ўрта Осиё, Сахалин, Уссури ўлкаси ўсимлик дунёси бўйича кўплаб тадқиқотлар муаллифи. Унда 1000 дан ортиқ[1] ўсимлик турларини ифодалаб берган, Пиёз (Аллиум), Лола (Тулипа), Ғоз пиёз (Гагеа), Қайин (Бетула) ва бошқа туркумларнинг тизими бўйича қўлёзмалар чоп этган. Регел биринчилардан бўлиб рус сайёҳлари томонидан тўпланган ва олиб келган коллексиялар бўйича Туркистон ўсимлик дунёсининг тизимини ўрганишни бошлаган.

Эдуард деярли 37 йил мобайнида (1855—1892) Санкт-Петербургдаги Император ботаника боғи оддий ходим, 1875-йилдан[1] умрининг поёнигача Санкт-Петербургдаги Император ботаника боғининг директори бўлган.

Унинг отаси 4 та фарзандни Алберт Регел, Арнолд Регел, Андреас Регел ва Роберт Регелларнинг тарбиялаб вояга етказди.

Илм-фанга йўл

У Готика гимназиясида ўқиган ва ўша пайтда бўш вақтларини боғдорчилик билан шуғулланишда ўтказган ва кейинчалик бутун умрини бағишлаган.

1832—1837-йилларда Гёттинген ботаника боғида эркин тингловчи сифатида профессор Ф.Бартлинг қўл остида ботаникани ўзлаштирган.

Кейин у Бонн ва Берлин ботаника боғларида ишлаб, ўқишини давом эттирди. Ўша пайтда ёзган „Боғдорчилик ишларининг физиологик изоҳи“ асари унга шарафли шуҳрат ва Сюрих ботаника боғида бош боғбон (1842) бўлиб ишлаш имконияти туғилади. Бу ерда у фан доктори илмий даражасини олади ва маҳаллий университетда ма’руза қилади.

Регел 1852-йилда Гартенфлора ботаника журналига асос солади ва унда янги ўсимлик турларини ифодаловчи кўпгина ишларини чоп этади. О.Хеер билан биргаликда у Швейсария қишлоқ хўжалиги ва боғдорчилик журналини (олмонча: Счwеизерисче Зеицчрифт фüр Ланд унд Гартенбау ).

Эдуард Ргел 1855-йилнинг кузида Санкт-Петербургга келади ва Император ботаника боғида щз фаолиятини олиб боради, 1875-йилда эса у илмий директор ўрнини эгаллайди. Регел Европанинг энг яхши боғларидан бирини ботаника боғини кўкларга кўтаради, балки Россия боғдорчилигига ҳам катта ҳисса қўшади. 1871-йилда ўша пайтда бош ботаник сифатида Ботаника боғининг топшириғи билан Регел хорижий ботаника боғлари тажрибасини ўрганиш, шунингдек, ўсимликларнинг янги турини сотиб олиш учун Ғарбий Европа мамлакатларига узоқ муддатга сафарбанд қилинади. У Германия, Англия, Белгия, Франсия, Австрия, Швейсария ва Италияда бўлиб, ботаника экскурсияларида 240 турдаги ўсимликларни тўплайди ва асосан боғ учун 980 та янги бўлган турини алмашади, сотиб олади[2].

У асос солган: боғ қошида ботаника музейи ва лабораторияси, мевали ва манзарали дарахтлар ва буталарни иқлимлаштиришни мақсад қилган Санкт-Петербургдаги иқлимлаштириш боғи, у висе-президент бўлган Император Россия боғдорчилик жамияти, бир нечта махсус ўзи таҳрир қилган боғдорчилик иши бўйича журналларини киритиш мумкин.

1872—1874-йилларда Регел лойиҳаси бўйича ва унинг раҳбарлигида Санкт-Петербургда Адмирал боғи барпо этилади[3].  

Унинг боғдорчилик ишлари Валаам игумен Дамаскин кўп йиллик қайдномаларида сақланган. Регел 1856-йилда Валаамга совуққа чидамли Сибир олма дарахтининг (Сибирка) 45 та кўчатини олиб келади. У бир неча бор монастирдан Санкт-Петербургга юборилган олма ва ўсимлик навларини аниқлашга ёрдам беради. Монастир қирғоқ аҳолиси билан кўчатларни баҳам кўрди. Шу сабабли, қадимги Финландияда илгари мавжуд бўлмаган бундай ўсимлик маданиятлари пайдо бўлди. Сабзавотлар роҳиблар овқатланишининг асосини ташкил этди ва боғдорчилик Валаамда яхши ривожланади. Май ойи бошида тарвуз ва қовун, кейин сабзи, лавлаги, карам, бодринг экилади. Нўхат июн ойининг ўрталарида, тарвуз ва қовунлар бироз кечроқ йиғиб олинди. Август ойининг бошида - пиёз ва саримсоқ, сентябрда навбат картошк ага, октябрда - карам ҳосили олинди. Финландия ва Санкт-Петербургда ўтказилган боғдорчилик, мевачилик ва полизчилик кўргазмаларида монастир тақдим этилган мева ва сабзавотлар учун бир нечта кумуш ва битта олтин медаллар билан тақдирланади[4].

Э.Л.Регел Санкт-Петербургдаги Екатеринин майдонини (ҳозирги Островский майдони) қайта қуришнинг дендрологик қисмини ишлаб чиқади (1873-1880, ме’мор Д. И. Гримм)[5].  

Ботаника боғи ҳудудида яшайди ва Смолен роҳиблар қабристонига дафн этилади[6].

Чоп этилган илмий мақолалар

Э. Л. Регел ботаника ва боғдорчиликнинг турли масалалари бўйича камида 500 та иншо, мақола ва эслатмалар ёзган.

  • Аллгемеинес Гартенбуч, Зüрич, 1855, 1868. (олм.)
  • Монограпҳиа Бетулаcеарум…, 1861.  (лат.)
  • Тентамен флораэ уссуриэнсис, 1861.  (лат.)
  • Русская помология, или описание признаков и способ разведения сортов плодовых растений…, ч. 1—2, СПб., 1868. 
  • Анимандверсионес де Плантис вивис ноннуллис Ҳорти Ботаниcи Империалис Петрополитани // Тр. Имп. С.-Петерб. бот. сада. — 1871—1872.
  • Ревисио спеcиэрум Cратаэгорум, Драcаэнарум, Ҳоркелиарум, Лариcум эт Азалеарум // Тр. Имп. С.-Петерб. бот. сада. — 1871—1872.
  • Плантаэ а Бурмеистеро пропе Уралск cоллеcтаэ // Тр. Имп. С.-Петерб. бот. сада. — 1872.
  • Путеводитель по Императорскому С.-Петербургскому ботаническому саду. СПб.: Типогр. В. В. Пратс, 1873. 
  • Аллиорум адҳуc cогниторум монограпҳиа, 1875.  (лат.)
  • Содержание и воспитание растений в комнатах, ч. 1—2, 7-е изд, 1898—1904. 
  • Русская дендрология, или перечисление и описание древесных пород и многолетних вьющихся растений…, вып. 1—2, 2-е изд, СПб., 1883—1889. 
  • Однолетние и двухлетние цветущие растения…, 3-е изд, СПб., 1885. 

Манбалар

  1. ↑ 1,0 1,1 „Регель, Эдуард Людвигович“, Большая русская биографическая энциклопедия (электронное издание), Версия 3.0, М.: Бизнессофт, ИДДК, 2007. 
  2. ↑ Отчет Главного ботаника Императорского С.-Петербургского Ботанического сада, статского советника Регеля по заграничной его командировке в Англию, Бельгию, Германию, Австрию и Италию // Тр. Имп. С.-Петерб. бот. сада. — 1872. — Т. И, вып. ИИ. — С. 197—220.
  3. ↑ Энциклопедия Санкт-Петербург — Регель Э. (Wайбаcк Мачине сайтида 1-ноябр 2022-йил санасида архивланган)
  4. ↑ Родченко А. Г. „Гл. 2. Диалог культур: монашество и мир“, . Культура Валаамского монастыря в середине ХИХ века, СПб., 2003. 
  5. ↑ Энциклопедия Санкт-Петербург — Екатерининский сквер (Wайбаcк Мачине сайтида 1-ноябр 2022-йил санасида архивланган)
  6. ↑ Могила на плане кладбища (№ 21) // „Отдел ИВ“, Весь Петербург на 1914 год, адресная и справочная книга г. С.-Петербурга. СПб.: Товарищество А. С. Суворина – «Новое время», 1914. ИСБН 5-94030-052-9. 

Адабиётлар

  • „Регель Эдуард Людвигович“, Список гражданским чинам первых трех классов. Исправлен по 1-е февраля 1890 года. СПб.: Типография Правительствующего сената, 1890 — 515—516-бет. 
  • Регель Р. Э. „Регель Эдуард Людвигович“, . Императорский Санкт-Петербургский ботанический сад за 200 лет его существования (1713—1913), ч. 3. Юбилейное изд. Пг.: Тип. «Дело», 1913 (1915) — 128—132-бет. 
  • Камелин Р. В. Э. Л. Регель // Швейцарцы в Петербурге : Сб. ст.. — СПб., 2002. — С. 309—315.
  • Родионенко Г. И. Эдуард Регель // Цветоводство : Журнал. — 1986. — № 2.

Ҳаволалар

  • Регель, Эдуард Август // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.  (Дата обращения: 25 октября 2009)
  • „Регель, Эдуард Людвигович“, Большая русская биографическая энциклопедия (электронное издание), Версия 3.0, М.: Бизнессофт, ИДДК, 2007.  в Большой биографической энциклопедии  (Дата обращения: 25 октября 2009)
  • Профиль Эдуарда Людвиговича Регеля на официальном сайте РАН
"https://new.ziyosfera.uz/ziyo/Eduard_Regel" dan olindi