Ekklesiya: Versiyalar orasidagi farq

Ekklesiya (yun.) - Yunonistonda xalq majlisining eng koʻp tarqalgan nomi. Demokratik polislarda (mas, miloddan avvalgi V asr oʻrtasida Perikl davridagi Afinada) ekklesiya — qonun chiqarish, ijroiya va sud hokimiyatiga ega boʻlgan davlatning oliy organi; mansabdorlarni saylab ularni doimo nazorat ostiga olgan ekklesiya tarkibi mulkiy senz belgilari orqali fuqarolar orasidan tanlab olingan. Odatda, ekklesiya oʻz vazifasini bule — ekklesiya muhokamasi uchun oldindan savollar tayyorlab qoʻyadigan kengash bilan amalga oshirgan. Bir qator yunon polislarida xalq majlislari maxsus nomlar bilan atalgan: Spartada — apella, Delfa va Fessaliya shahrilarida — agora, Argos, Epidavr, Gel, Akragantda — aliya. Soʻnggi davr antik yozuvchilari asarlarida xalq majlislari oʻtkaziladigan joy ham ekklesiya deb atalgan. Xristianlikda ekklesiya deb dindorlar jamoasi, baʼzan butun cherkov tushunilgan.

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.

Ushbu maqola çaladir. Siz uni boyitib, ZiyoSferaga yordam berişingiz mumkin. k m t Bu andozani aniqrogʻiga almashtirish kerak.