Elementorganik birikmalar

Элементорганик бирикмалар — углерод атоми бошқа элемент атоми билан тўғридантўгри бириккан органик бирикмалар. Углерод водород, кислород, азот, олтингугурт ёки галогенлар (фтордан ташқари) билан бириккан бирикмалар, одатда, Элементорганик бирикмаларга кирмайди. Элементорганик бирикмалар одам ва ҳайвонлар ҳаёт фаолиятида муҳим рол ўйнайди. Мас, В]2 витамини ўзида кобалт, гемоглобин эса темир сақлайди, фосфорорганик бирикмалар углеводлар алмашинуви жараёнларида иштирок этади. Маргимуш, сурма, олтин, симоб бирикмалари кимётерапияда, кремний синтетик каучук ва сурков мойлари саноатида, қўрғошин бирикмалари антидетонаторлар тайёрлашда, фосфор бирикмалари инсектицидлар ишлаб чиқаришда, фтор бирикмалари совиткичлар ва полимерлар саноатида, алюминий бирикмалари полимерлар синтезида, қалай бирикмалари эса полимерлар эскиришининг олдини олишда, магний, литий ҳамда рух бирикмалари органик синтезда кенг кўлланади.