Elena Marinucci
| Элена Маринуccи | |
|---|---|
 | |
| Таваллуди |
1928-йил 18-август |
| Вафоти |
31-март 2023-йил (94 ёшда) Рим |
| Касби | ҳуқуқшунос ва сиёсатчи |
Элена Маринуccи (1928-йил 18-августда туғилган — 2023-йил 31-мартда вафот этган) — италиялик ҳуқуқшунос, ўқитувчи ва сиёсатчи. Италияда ажримни қонунийлаштиришни қўллаб-қувватлаш мақсадида сиёсатга кириб келган. „Пушти квоталар“ деб аталувчи тизимни илгари сурган, бу тизим аёлларнинг турли соҳаларда тенг ва етарли даражада иштирок этишини таъминлашга қаратилган. Европа парламенти аъзоси ҳамда Италия сенатори бўлиб фаолият олиб борган.
Ҳаёти
Элена Маринуccи 1928-йилда Италиянинг Л'Ақуила шаҳрида дунёга келган ва шу ерда таълим олган. У ҳуқуқ соҳасини ўрганиш мақсадида Рим университетига борган, шундан кейин ҳуқуқшунослик амалиёти билан шуғулланган. 1951-йилда Маринуccи сиёсатчи ва ҳуқуқшунос, ўзининг ҳамкасби Нелло Марианига турмушга чиққан ва бир неча йил давомида эрининг адвокатлик идорасида ишлаган. 1965-йилдан 1987-йилгача эса Л’Ақуиладаги савдо-техника институтида ҳуқуқ фанидан ўқитувчи бўлиб фаолият юритган[1].
Италияда ажримни қонунийлаштириш таклиф қилинганда бу нарса катта баҳс-мунозарага сабаб бўлган. 1970-йилда Лорис Фортуна ва Антонио Баслини қонунни ўзгартиришга қарор қилган. Уларнинг таклифи сиёсий қўллаб-қувватловга эришган, бироқ бунга Христиан-демократик партияси қарши чиққан. У Аёл ҳуқуқшунослар иттифоқига аъзо бўлиб, ажрашиш тўғрисидаги қонунни қўллаб-қувватловчи намойишлар давомида сиёсий фаолликка кириб келган. Маринуccи ўшанда уларнинг таклифини қўллаб-қувватлашда жуда фаол иштирок этган[1]. Италияда ажримни қонунийлаштирувчи ва тартибга солувчи қонун 1970-йил 1-декабрда қабул қилинган ва ушбу қонун „Фортуна–Баслини қонуни“ номи билан танилган[2].
Римга кўчиб ўтгач, феминистик муҳитга яқинлашган. 1973-йилда Даcиа Мараини томонидан ташкил этилган Театро делла Маддалена гуруҳига қўшилган ва ўн йиллик охирларида „Лега делле донне пер ил соcиалисмо“ (Социализм учун аёллар лигаси) ташкилотига асос солган.
Бош вазир Беттино Cрахи Маринуccининг фазилатларини эътироф этган ва у 1980-йиллар давомида Маринуccи Беттино Cрахининг партияси доирасида аёллар етакчисига айланган[3]. 1984-йилда у бош вазир идораси ҳузуридаги Тенг имкониятлар бўйича миллий қўмита президенти бўлиб фаолият олиб борган ва аёллар манфаатларини қўллаб-қувватловчи қонунларга ўзгартиришлар ишлаб чиқиш ва уларни кўриб чиқиш учун тақдим этишга ҳаракат қилган[4].
1994-йилда Маринуccи Партито соcиалиста италиано номидан Европа парламентига вакил этиб сайланган. У парламент ичидаги Европа социалистлари партияси гуруҳига қўшилган. Италиядаги социалистик партиялар билан сиёсий яқинлиги ўзгарган бўлса-да, 1999-йилгача шу гуруҳ аъзоси бўлиб қолган[5].
2017-йилда Анна Мариа Исастиа Маринуccи билан ўтказган биографик суҳбатларини чоп этган[6]. Маринуccи 2023-йилда 94 ёшида Римда вафот этган[1].
Манбалар
- ↑ 1,0 1,1 1,2 „Аддио Элена Маринуccи: се не ва ун пеззо делла сториа политиcа абруззесе э италиана“ (ит-ИТ). Ил Cаполуого (2023-йил 31-март). Қаралди: 2023-йил 24-декабр.
- ↑ РЕФЕРЕНДУМ СУЛ ДИВОРЗИО — СПЕCИАЛЕ 1974 — 2014
- ↑ „Элена Маринуccи (донне) - Патримонио делл'Арчивио сториcо Сенато делла Репубблиcа“. патримонио.арчивио.сенато.ит. Қаралди: 2023-йил 24-декабр.
- ↑ Мазур, Амй. Стате Феминисм, Wомен'с Мовеменц, анд Жоб Траининг: Макинг Демоcраcиэс Wорк ин тҳе Глобал Эcономй (эн). Роутледге, 2013-01-11 — 142-бет. ИСБН 978-1-136-53351-8.
- ↑ „4тҳ парлиаментарй терм | Элена МАРИНУCCИ | МЕПс | Эуропеан Парлиамент“ (эн). www.эуропарл.эуропа.эу (1928-йил 18-август). Қаралди: 2023-йил 24-декабр.
- ↑ Исастиа, Анна Мариа. Уна риволузионе поситива: cонверсазиони cон Элена Маринуccи (ит). Эдизиони ди сториа э леттература, 2017. ИСБН 978-88-9359-084-6.