Ellen Niit
| Эллен Ниит | |
|---|---|
| Таваллуди |
13-июн 1928-йил |
| Вафоти |
30-май 2016-йил (87 ёшда) Таллин, Эстония |
| Ижод қилган тиллари | 1954—2016 |
| Фуқаролиги |
 Эстония |
| Таълими | Тарту университети |
Эллен Пеэтеровна Ниит (қизлик фамилияси Ҳиоб, 13-июл 1928-йил, Таллин — 30-май 2016-йил, Таллин) — эстониялик ёзувчи ва таржимон. Эстония ССРда хизмат кўрсатган ёзувчи (1977).
Биографияси
Эллен Ниит 1928-йил 13-июлда Таллинда ишчи оиласида туғилган[1]. 1952-йилда Тарту университетининг эстон тили ва адабиёти факултетини тамомлаган, Эстония болалар адабиёти факултетида аспирантурада таҳсил олган (1952—1956). 1956-йилдан 1961-йилгача Таллиндаги Ёзувчилар уюшмасида шеърият бўйича маслаҳатчи, 1961-йилдан 1963-йилгача Эстония телевидениесида муҳаррир бўлган. Жуҳан Смуули номидаги Эстония ССР адабиёт мукофоти (1971, 1978) ва маданият бўйича Эстония миллий мукофоти (2009) лауреати. Филология фанлари номзоди (1985)[2]. Сáндор Петőфининг 120 дан ортиқ шеърларини таржима қилган[3].
Ижоди
Эллен Ниит 1954-йилдан болалар адабиётида ижод қила бошлган. Шу йили биринчи шеърий ҳикояси „Куидас леити нääрипуу“, 1957-йилда „Ронгисõит“ китоби чиқади[1]. 1979-йилда „Крõллираамат“ шеърий тўплами нашр этилади. Болаларга оид биринчи насрий асари 1963-йилда чиққан „Пилле-Риини лоод“ китобидир. 1970-йилда „Триину жа Таави жутуд“ китоби, 1977-йилдан унинг давоми бўлган „Триину жа Таави ууэд жа ванад лоод“ китоби нашр этилади. 1990-йилда ўз ижодий фаолиятини шеъриятда давом эттирради[1]. 1993-йилда „Куидас Крõлл таҳтис пõрандат песта“, кейинги йили „Крõлли вäрвираамат“ ва „Крõлл жа игасугусед ҳääлед“, 1999-йилда „Крõлли паннкоогитегу“ китоблари нашр этилган.
Оиласи
Биринчи турмуши (1949—1958) адабиёцҳунос Ҳелдур Ниит билан бўлган, уларнинг ўғли Тоомас Ниит (1953—2020). 1958-йилдан ёзувчи Жаан Кросс билан турмуш қурган (1920—2007)[1]. Бу оиланинг Мааржа Ундуск (1959-йилда туғилган) исмли қизи ва икки ўғли Ээрик-Ниилес Кросс (1967-йилда туғилган) ва Мäртен Кросс (1970-йилда туғилган) бўлган. Тарту шаҳрида Кастани кўчаси, 86-уйда[4], ва Таллин шаҳри Ҳаржу кўчаси, 1-уйда яшаган[5]. Таллиндаги Раҳумäэ қабристонига дафн этилган.
Манбалар
- ↑ 1,0 1,1 1,2 1,3 „Эллен Нийт“. Қаралди: 2024-йил 28-май.
- ↑ „Каталог РНБ“. 2021-йил 27-апрелда асл нусхадан архивланган. Қаралди: 2020-йил 3-июн.
- ↑ „Эллен Ниит“. 2021-йил 27-апрелда асл нусхадан архивланган. Қаралди: 2020-йил 3-июн.
- ↑ „Союз писателей СССР. Справочник… — Москва : Сов. писатель, 1954-“. 2021-йил 25-майда асл нусхадан архивланган. Қаралди: 2021-йил 25-май.
- ↑ „Союз писателей СССР. Справочник… — Москва : Сов. писатель, 1954-. на 1 декабря 1963 г. / Сост. Н. В. Боровская. — 1964. — 774 с.“. 2021-йил 25-майда асл нусхадан архивланган. Қаралди: 2021-йил 25-май.