Em Gvan
Эм Гван
| Эм Гван Бон | |
|---|---|
| Таваллуди |
1922 Владимиро-Александровское, Приморск вилояти |
| Вафоти |
1980 Тошкент вилояти, Ўзбекистон ССР, СССР |
| Мукофотлари |
   |
Эм Гван Бон (1922, Владимиро-Александровское, Сучанск волости, Олгинский тумани, Приморск вилояти – 1980, Тошкент вилояти, Ўзбекистон ССР, СССР) – Тошкент вилояти, Юқори Чирчиқ туманидаги „Правда“ колхозининг раҳбари, Ўзбекистон ССР Социалистик Меҳнат Қаҳрамони (1951)[1].
Ҳаёти
Эм Гван Бон 1922-йилда Олгинский тумани Владимиро-Александровское қишлоғида деҳқон оиласида туғилган. 1937-йилда ота-онаси билан бирга Ўзбекистон ССРнинг [[Тошкент вилояти]даги махсус посёлкага сургун қилинади. Иккинчи жаҳон уруши йилларида Тошкент яқинидаги Бўзсув канали ГЕСида, Юқори Чирчиқ туманидаги „Интернатионал“ колхозида ишлаган.
Эм Гван Бон 1948—1952-йилларда Юқори Чирчиқ тумандаги „Правда“ колхозида дала мудири бўлиб ишлаган. 1950-йилда Эм Гван Бон бошчилигидаги дала жамоаси 15,5 гектар майдоннинг ҳар гектаридан ўртача 107,1 сентнердан яшил кенаф пояси йиғиб олди. СССР Олий Кенгаши Президиумининг 1951-йил 22-майдаги фармони билан унга "1950-йилда колхозлар томонидан қишлоқ хўжалиги маҳсулотларини етказиб бериш ва контрактация қилиш, МТС ишига натурада ҳақ тўлаш ва 1951-йил баҳорги экиш учун барча экинларни уруғлик билан таъминлаш, суғориладиган ерларда яшил каноп поясидан юқори ҳосил олгани учун Социалистик Меҳнат Қаҳрамони унвони, Ленин ордени ва Ўроқ ва Болға олтин медали топширилган[2][3].
Эм Гван 1951-йилда КПСС сафига қўшилди. 1956-йилда Тошкент қишлоқ хўжалиги техникумини, 1961-йилда Москвадаги Тимирязев номидаги қишлоқ хўжалиги академиясини тамомлаган.
Москва вилояти, Волоколамск тумани, „Болшево“ совхозининг бош агрономи (1961), Москва вилояти, Подолск тумани, „Заря комунизм“ совхозининг катта агрономи (1961—1963) лавозимларида ишлаган.
1963-йилда Ўзбекистон ССРга қайтиб, 1980-йилгача Тошкент вилояти Коммунистик туманидаги „Ленинский пут“ колхозининг бош агрономи бўлиб ишлади.
Эм Гван Бон 1980-йил июл ойида вафот этди. Коммунистик тумани (ҳозирги Юқоричирчиқ тумани) Родина қишлоғида дафн этилган.
Мукофотлари
- Социалистик Меҳнат Қаҳрамони
- Ленин ордени – икки марта (1951, 1953)
- Меҳнат Қизил Байроқ ордени (1954)
- „Шавкатли меҳнат учун“ медали (1971)
Адабиётлар
- Шин Д.В., Советские корейцы Герои Социалистического труда, Алматы: Сервиcе Пресс, 2019
- Ким П.Г., Корейцы Республики Узбекистан, Ташкент: Узбекистон. 1993
- Ким Б.И., Корейцы Узбекистана. Кто есть кто, Ташкент, 1999
Манбалар
- ↑
ВЭКС. Герой Социалистического труда Эм Гван Бон ЁуТубеда
- ↑ Ким, Брутт. Равный среди первых. Ташкент: Бактриа Пресс, 2021 — 96-бет. Қаралди: 9-октабр 2023-йил.
- ↑ „Дмитрий Шин в бывших колхозах им. Свердлова и Правда“. www.корё-сарам.сите. Қаралди: 9-октабр 2023-йил.
Ҳаволалар
- Герман Ким, Герой Социалистического труда Эм Гван Бон