Etilenoksid

Этиленоксид, оксиран, - 1,2 эпоксиэтан, ХВ эфир ҳиди келадиган рангсиз газ ёки суюқлик. Моляр массаси - 44,05. Суюқланиш температураси — 112,5°, қайнаш температураси - 10,7°, зичлиги - 870 кг/м3. Сув, этанол, углеводородлар ва бошқалар органик эритувчиларда яхши эрийди. 300° гача барқарор, 400° дан юқори трада азотли аралашмаси изомерланиб ацеталдегидга айланади ёки этилен (Этилиноксид кўпроқ бўлса) ҳосил қилади. Кумуш нитрат Аёг>ЙУ3нинг сувдаги эритмасида кислород иштирокида оксидланса гликол кислота, оксид ва кумуш катализаторлигида оксидланса С02 ва сув, никел катализатори устида 30°да гидрогенланса этанол беради. Этилиноксид осон полимерланади, инициаторларнинг табиатига қараб мол. м. турлича бўлган полиэтиленоксид олиш мумкин. Диамерланганда 1,4диоксан ҳосил бўлади. Саноатда этиленни оксидлаш усулида синтез қилинади. Органик синтезнинг муҳим маҳсулоти ҳисобланади. Этилиноксид этиленгликоллар, галогенгидринлар, этаноламинлар, диоксан, фенилетанол, ионогенсиз сирт фаол моддалар ишлаб чиқаришда, шунингдек, тиббиётда асбобускуналар, бир марта қўлланадиган шприцларни стерилизация қилишда ишлатилади.Этилиноксид — ёнувчи, портловчи ва заҳарли модда. Чақнаш температураси < — 18°. Терига ва шиллиқ пардаларга таъсир этади. Ҳаводаги миқдори 1 мг/м3дан ошмаслиги керак.