Fanula Papazoglu
Фанула Папазоглу (юнонча: Φανούλα Παπάζογλου; 1917-йил 3-февралда туғилган – 2001-йил 26-январда вафот этган) – югослав классик олими, эпиграф ва академик. Балканнинг қадимги тарихи бўйича мутахассис, 1970-йилда Қадимги эпиграфия ва мумизматика марказини ташкил этган.
| Фанула Папазоглу | |
|---|---|
 | |
| Таваллуди |
3-феврал 1917-йил Битола |
| Вафоти |
26-январ 2001-йил (83 ёшда) Белград, Югославия ФР |
| Соҳаси | қадимги тарих |
| Турмуш ўртоғи | Георге Острогорскй |
Ҳаёти
Фанула Папазоглу 1917-йил 3-февралда Битола (ҳозирги Шимолий Македония) иттифоқчилар ҳудудида аруминиялик юнонлар оиласида дунёга келган[1][2][3][4]. 1936-йилда Битоладаги ўрта мактабни тамомлаган, сўнгра Белград университетининг Фалсафа факултетига ўқишга кирган ва у ерда классик филология, қадимги тарих ва археология бўйича таълим олган. Югославия босиб олинганида Папазоглу талабалар ташкилотининг аъзоси сифатида югослав партизанларига ёрдам берган ва 1942–1943-йилларда Банжиcа конслагерига юборилган.
Папазоглу 1946-йилда Фалсафа факултетини тамомлаган ва 1947-йилдан бошлаб шу факултетнинг Қадимги тарих бўлимида ишлай бошлаган. 1955-йилда „Маcедониан тоwнс дуринг тҳе Роман период“ (Рим давридаги Македония шаҳарларининг тарихи) мавзусида докторлик диссертациясини ҳимоя қилган. 1965-йилда эса профессор унвонига эга бўлган.
Фанула Папазоглу 1974-йил 21-март куни Сербия Фанлар ва санъат академияси (САНУ)га мухбир аъзо сифатида сайланган. 1983-йил 15-декабрда эса академиянинг тўлиқ аъзосига айланган.
Белград университетида Папазоглу келиб-чиқиши рус миллатига мансуб машҳур югослав византияшунос олими Георгий Острогорский билан танишган ва кейинчалик унга турмушга чиққан. Уларнинг Татяна исмли бир қизи ва Александр исмли бир ўғли бўлган. Папазоглу 1979-йилда нафақага чиққан ва 2001-йилда Белградда вафот этган.
Папазоглу ўз даврининг бошқа археологлари сингари маданий-тарихий-эволюционистик археология йўналишида фаолият олиб борган. Унинг илмий изланишлари „Cентрал Балкан трибес“ (Марказий Балкан қабилалари) мавзусига бағишланган бўлиб, у бу қабилаларни бошқа археологик маданиятлардан ажралиб турувчи, ўзига хос археологик маданиятларга эга, аниқ ва барқарор чегараларга эга бўлган ихчам жамоавий гуруҳлар сифатида тасвирлаган. Унинг ишлари ўз замонида катта таъсир кучига эга бўлган, бироқ замонавий археологияда танқидга учраган. „Марказий Балкан қабилалари“нинг мавжудлиги ва ташкил топиши ҳақидаги хулосалар кўпинча замонавий идентитет (шахсийлик/миллийлик) шаклланиши тушунчаларига мос келувчи назарий асосга таянган. Ушбу назарий асос эса кўпинча ёзма ва моддий манбаларга таянмасдан, аллақачон шаклланган ғояларни тасдиқлаш учун ишлатилган[5].
Манбалар
- ↑ Робин Ж. Фох, Робин Лане Фох эдс., Брилл’с Cомпанион то Анcиэнт Маcедон: Студиэс ин тҳе Арчаэологй анд Ҳисторй оф Маcедон, 650 БC – 300 АД, Эдитион иллустратед, БРИЛЛ, 2011, ИСБН 9004206507, п. 39.
- ↑ Μιλτιάδη Χατζόπουλου, Φανούλα Παπάζογλου – Η μεγάλη ελληνίστρια και ιστορικός της αρχαίας Μακεδονίας.
- ↑ Ричард Cлогг, Миноритиэс ин Греэcе: Аспеcц оф а Плурал Соcиэтй. C. Ҳурст & Cо. Публишерс. 2002, ИСБН 978-1-85065-705-7, п. 153.
- ↑ Роудометоф, Виcтор, „Натионалисм анд Идентитй Политиcс ин тҳе Балканс: Греэcе анд тҳе Маcедониан Қуэстион“. Жоурнал оф Модерн Греэк Студиэс. Балтиморе: Тҳе Жоҳнс Ҳопкинс Университй Пресс, (1996), п. 286, ноте # 29.
- ↑ Миҳаиловиć 2014.