Faol tadbirkor
„Фаол тадбиркор“ кўкрак нишони билан Ўзбекистонда тадбиркорликни кенг ривожлантириш, янги иш ўринларини яратиш, инновациялар жорий этиш, солиқларни ўз вақтида тўлаш, маҳсулот ва хизматларни экспорт қилиш, етук мутахассислар тайёрлаш ҳамда бизнесдаги муваффақиятлари ва ижтимоий фаоллиги билан намуна бўла оладиган тадбиркорлар тақдирланади[1][2][3].
| „Фаол тадбиркор“ кўкрак нишони | |
|---|---|
 | |
| Тури | кўкрак нишони |
| Тақдирлаш асоси | тадбиркорликни ривожлантириш, аҳолини иш билан таъминлаш, республиканинг экспорт салоҳиятини ошириш ҳамда инновациялар жорий қилишда муносиб ҳисса қўшаётган тадбиркорлар тақдирланади. |
| Мамлакат |
 Ўзбекистон |
| Ҳолати | топширилади |
| Таъсис этилган санаси | 2022-йил 20-август. |
Мукофотлаш тартиби
Ҳар йили „Фаол тадбиркор“ кўкрак нишони билан тақдирланганлар борасида „Йилнинг илғор тадбиркорлари“ китоби чоп этилиши белгиланган.
Тавсифи
- „Фаол тадбиркор“ кўкрак нишонининг диаметри 34 миллиметрли доира шаклида бўлиб, у 0,25 микрон қалинликдаги олтин билан қопланган мис қотишмасидан тайёрланади.
- Кўкрак нишонининг ўрта қисми диаметри 25 миллиметр бўлган доира шаклидаги бўртма гардиш билан ўралган. Доиранинг марказий қисмида белги-тамғалар тасвирланган бўлиб, бундай тамғалар қадимги уста-ҳунарманд тадбиркорлар томонидан тайёрланган ва сотувга чиқарилган. Унда асосан Ўзбекистон ҳудудида топилган маҳсулотлар намуналари акс этган.
- Кўкрак нишони марказдаги белги-тамғалар атрофида уларни тутиб турган тадбиркор қўлларини ифодаловчи тасвирлар тилла рангдадир.
- Кўкрак нишонининг устки қисмидаги айлана бўйлаб „ФАОЛ ТАДБИРКОР“ ёзилган бўлиб, ҳарфларнинг баландлиги — 2,2 миллиметр.
- Кўкрак нишонининг пастки қисмида айлана бўйлаб 5 қиррали 14 юлдуз тасвирланган. Кўкрак нишонининг орқа томонида Ўзбекистон Республикаси Давлат герби акс этган. Тасвирлар ва ёзувларнинг барчаси бўртмадир.
- Кўкрак нишони илмоқ ва ҳалқа ёрдамида тўғри тўртбурчак шаклидаги қадағичга уланган. Қадағич бўйи — 19 миллиметр, эни — 25 миллиметрдир. Қадағич тенг ўлчамли кўк ва оч кўк рангдаги шойи лента билан қопланган. Унинг эни 21 миллиметрдир.
- Қадағичнинг орқа томонига кўкрак нишонини кийимга тақиш учун тўғноғич кўринишидаги махсус мослама ҳам ўрнатилган.
Яна қаранг
Манбалар
Ҳаволалар
- Ўзбекистонда „Фаол тадбиркор“ кўкрак нишони таъсис этилди
- Ўзбекистонда „Фаол тадбиркор“ кўкрак нишони таъсис этилди
- Юз нафар тадбиркор „Фаол тадбиркор“ кўкрак нишони билан тақдирланди
- Фаол тадбиркорлар муносиб тақдирланди (Wайбаcк Мачине сайтида 2022-08-24 санасида архивланган)
- „Фаол тадбиркор“ кўкрак нишонини таъсис этиш тўғрисида
- Тошкентдаги тадбиркорларга „Фаол тадбиркор“ кўкрак нишони топширилди (Wайбаcк Мачине сайтида 2022-08-24 санасида архивланган)
- Президент 100 кишини „Фаол тадбиркор“ кўкрак нишони билан тақдирлади
- Для предпринимателей учрежден нагрудний знак „Фаол тадбиркор“ (Wайбаcк Мачине сайтида 2022-08-20 санасида архивланган)
- Узбекистане учрежден нагрудний знак „Фаол тадбиркор“ (Wайбаcк Мачине сайтида 2022-08-24 санасида архивланган)