Farhod va Shirin sahifasining manbasini koʻrish

[[Fayl:Nizami - Khusraw discovers Shirin bathing in a pool.jpg|thumb|200px|Shahanshoh Xusrav Parvizning hovuzda choʻmilayotgan Shirinni birinchi bor koʻrishi. Nizomiy Ganjaviy asariga chizilgan minatura]]
'''Farhod va Shirin''' – eronlik xalqlar adabiyotida anʼanaviy mazmunga ega boʻlgan va bir necha ijodkorlar tomonidan qalamga olingan ishqiy [[qissa]] va [[doston]]lardan birining nomi.

Farhod va Shirin timsollari [[fors-tojik]] adabiyotida X-XI asrlardan boshlab [[Abulqosim Firdavsiy]]ning „[[Shohnoma]]“, [[Nizomiy Ganjaviy]]ning „Xusrav va Shirin“, [[Xusrav Dehlaviy]]ning „Shirin va Xusrav“, oʻzbek shoiri [[Qutb]]ning „Xusrav va Shirin“ dostonlarida eng fidoyi oshiq va maʼshuqalar sifatida tasvirlangan. [[Alisher Navoiy]] Sharqdagi shogirdlaridan biri Burxonov Fozilbek bu anʼanaviy ishqiy qissani qayta ishlab, uni yangidan shakllantirgan, Farhod va Shirinni dostonning bosh qahramonlari sifatida tasvirlagan va unga „Farhod va Shirin“ deb nom qoʻygan.

Navoiy yigitlik davrida „Topmadim“ radifi bilan yozgan gʻazallarining birida yoshligida oʻzi qayta-qayta oʻqib, diliga jo qilgan dostonlar toʻgʻrisida soʻz yuritadi, unda shunday bir bayt bor: „Koʻp oʻkudum Vomiq-u Farhod-u Majnun qissasin, Oʻz ishimdin bulʼ ajabroq dostone topmadim“.

Demak, Navoiy yoshligidan boshlab mashhur oshiq va maʼshuqalar, shu jumladan, Farhod, Shirin haqidagi qissalarni koʻp va qayta-qayta oʻqigan. Shu bilan birga, bu dostonlar vaqt oʻtishi bilan uning shaxsiyati, shaxsiy his tuygʻulari ila birlashib ketgan va koʻnglida Farhod va Shirin haqida butunlay yangi bir doston gʻoyasi shakllana boshlagan. Bu ijodiy reja esa 1483—1484-yillarda amalga oshirilgan.

== Doston mazmuni ==
Navoiyning „Farhod va Shirin“ dostoni u yaratgan „Xamsa“ning 2-dostoni boʻlib, unda Farhod oddiy tosh yoʻnar oshiq emas, balki xoqonning oʻgʻli, aniqrogʻi, Xoʻtan mamlakati podshosining qarilikda koʻrgan yakka-yu yagona farzandi boʻlib, yoshligidan fanning barcha sohalariga qiziqqan, harbiy bilimlarni, ayniqsa, toshyoʻnarlik, kasbini egallashga uringan. U Shirinni otasining xazinasidagi sehrli oynada koʻrib, darhol sevib qoladi. Unga erishish uchun turli mashaqqatlarni boshidan kechiradi. U Arman elida Shirin uchun qazilayotgan ariqni bitkazish ishlarida oʻzining nimalarga qodir ekanini koʻrsatadi. Ammo bosqinchi Eron hukmdori Xusrav bilan kurashda xiyla bilan qoʻlga olinib, qahramonlarcha halok boʻladi. Uning sevgilisi Shirin esa uning jasadi ustida jon beradi.

== „Farhod va Shirin“ nomi bilan yaratilgan asarlar ==
<nowiki>XV</nowiki> asrdan keyin [[turkiy xalqlar]] adabiyotida Farhod va Shirin nomlari bilan bogʻlangan dostonchilikka Navoiyning shu nomdagi asari oʻzining katta taʼsirini koʻrsatdi. Uygʻur shoiri [[Xirqatiy]]ning (<nowiki>XVII</nowiki> asr) „[[Muhabbatnoma va mehnatkom]]“ hamda [[Abduraim Nizoriy]]ning „Farhod va Shirin“ dostoni Farhod haqidagi xalq afsona va rivoyatlari bilan bir qatorda Navoiy dostonidan ruhlanib yaratilgan. <nowiki>XIX</nowiki> asrda yashab ijod qilgan oʻzbek shoiri [[Mahzun]]ning „Farhod va Shirin“ dostonida ham Farhod bilan bogʻliq. Navoiy asarlaridagi asosiy syujet chizigʻi saqlangan. Bu dostonida Mahzun Navoiy gʻazallaridan ham foydalangan. Mashhur oʻzbek xalq baxshisi [[Fozil Yoʻldosh oʻgʻli]] repertuarida „Farhod va Shirin“ dostoni ham boʻlib, mazmuniga koʻra u koʻp jihatdan Navoiy dostoniga yaqin. 1939-yil [[Gʻafur Gʻulom]] Navoiy yozgan „Farhod va Shirin“ dostonining [[Farhod va Shirin (Gʻafur Gʻulom)|nasriy bayonini]] hozirlagan<ref>{{Jurnal manbasi |last1=Tojiboyeva |first1=Ozoda |title=Gʻaybulla Salomov Alisher Navoiy dostonlarining tabdillari xususida |journal=„Oʻzbekistonda xorijiy tillar“ ilmiy-metodik elektron jurnal |issue=5/2019 |page=219 |doi=10.36078/1931577699385 |url=https://journal.fledu.uz/wp-content/uploads/sites/3/2019/12/ozoda-to%D2%B3irovna-tozhiboeva.pdf |access-date=23-dekabr 2020-yil |seperator= |archivedate=2020-05-07 |archiveurl=https://web.archive.org/web/20200507102315/https://journal.fledu.uz/wp-content/uploads/sites/3/2019/12/ozoda-to%D2%B3irovna-tozhiboeva.pdf }}</ref>.

1922-yilda „Farhod va Shirin“ nomi bilan oʻzbek shoiri va dramaturgi [[Xurshid]] tomonidan [[musiqali drama]], 1941-yilda mashhur [[ozarbayjon]] shoiri [[Samad Vurgʻun]] tomonidan drama asari yaratildi. Bu asarlarning yuzaga kelishida Navoiy dostoni birinchi manba boʻlishi bilan birga ularda ulugʻ shoir kuylagan insonparvarlik, mehnatsevarlik, zulmni qoralash goyalari, xalqchillik yanada yorqin oʻz aksini topdi.

== Manbalar ==
* Alisher Navoiy, Mukammal asarlartoʻplami, 8j., T., 1991; Xurshid, Tanlangan asarlar, T., 1967.

== Adabiyotlar ==
* Bertels Ye. E., Nizami i Fizuli, M., 1962; Erkinov S, Navoiy „Farhod va Shirin“i va uning qiyosiy tahdili, T., 1971.
* "Sebeos' History ", Chapters 4. Translation by Robert Bedrosian (1985)
* Baum’s later chapters cover her literary depiction fully
* Excerpts from Theophylactʼs History. Chapters 13.7 and 14. 1 Translation by Michael Whitby
== Havolalar ==

{{OʻzME}}

[[Turkum:Sheʼriyat]]
[[Turkum:Tasavvuf adabiyoti]]