Fatana Najib
Фатана Нажиб | |
 | |
.svg) | |
|---|---|
|
Мансаб даври 1987-йил 30-сентябр – 1992-йил 16-апрел | |
| Президент | Муҳаммад Нажибуллоҳ |
| Ўтмишдоши | Маҳбоба Кармал |
| Кейингиси | Зинат Карзай |
| Шахсий маълумотлари | |
| Таваллуди |
1953-йил 9-август Бағлан, Афғонистон |
| Турмуш ўртоғи | Муҳаммад Нажибуллоҳ |
| Касби | тилшунос |
Фатана Нажиб (1953-йил 9-август, Бағлан, Афғонистон) — афғон тилшуноси ва Афғонистоннинг собиқ биринчи хоними.
Таржимайи ҳоли
Фатана Нажиб 1953-йил 9-августда Бағланда туғилган. Омонуллахоннинг авлодидан[1]. Фатана 1996-йилда Толибон томонидан ўлдирилган Афғонистон халқ демократик партияси бош котиби ва Афғонистон президенти Муҳаммад Нажибуллоҳнинг рафиқаси бўлиб[2], 1987-йил 30-сентябрдан 1992-йил 16-апрелгача мамлакатнинг биринчи хоним бўлган.
Нажиб саккизинчи синф ўқувчиси бўлганида илк марта бўлажак Афғонистон президенти Муҳаммад Нажибуллоҳ билан учрашган ва Нажибуллоҳ Фатананинг фан ўқитувчиси бўлган. Улар 1974-йил 1-сентябрда турмуш қуришган, уларнинг Ҳеэла (1977-йилда туғилган), Моска (1984-йилда туғилган) ва Онаи (1978-йилда туғилган) исмли қизлари бор[3]. Биринчи хоним сифатидаги фаолияти давомида Фатана Афғонистон Қуролли кучларидаги ҳарбий хизматчиларининг оилаларига ёрдам кўрсатиб, ярадор аскарларнинг оилаларига ташриф буюрган[4]. Шунингдек, Нажиб Кобулдаги Тинчлик мактаби директори ҳам бўлган[3]. 1992-йилда Фатана ва уч қизи Афғонистондан Ҳиндистоннинг Деҳли шаҳрига қочиб кетиб, ўша ерда сургунда яшашган[1]. Ўшандан бошлаб Ҳиндистонда истиқомат қилади[5], қизлари Ҳеэла ва Моска эса чет элда ўқиб, ўша ерларда ишлашган. Ҳеэла Таиландда ишлаб, яшаган ва ҳозирда Швейсарияда яшайди, Швейсарияда Франклин коллежини тамомлаган, бугунги кунда Сюрих университетида диншунослик бўйича аспирантурада ўқимоқда[6]. Моска эса Швейсарияда таҳсил олган, ҳозирда Сингапурда яшайди ва ишлайди[7].
Манбалар
- ↑ 1,0 1,1 Башир, Малали „Тҳе Реал Фирст Ладиэс оф Афгҳанистан“. Фореигн Полиcй. Қаралди: 2026-йил 22-март.
- ↑ Сидиқеэ, Моҳаммаэд Насер „Афгҳанистан'с Фирст Ладй: Эманcипатор ор Cонвентионалист?“. Тҳе Глобе Пост (2018-йил 7-июн). Қаралди: 2026-йил 22-март.
- ↑ 3,0 3,1 Эарлеэн, Фишер „Нажибуллаҳ Ретаинс Cонтрол Wитҳ Поwер анд Прагматисм“. АП Неwс (1991-йил 13-июл). Қаралди: 2026-йил 22-март.
- ↑ Башир, Малали „Тҳе Реал Фирст Ладиэс оф Афгҳанистан“. Фореигн Полиcй. Қаралди: 2026-йил 22-март.
- ↑ „Талибан Виоленcе: Мурдер, Мутилатион анд Террор“. Соутҳ Моунтаин Пеаcе Аcтион. Қаралди: 2026-йил 22-март.
- ↑ „Ҳеэла НАЖИБУЛЛАҲ | ПҳД ин Религиоус Студиэс | Университй оф Зурич, Зüрич | УЗҲ | Религионсwиссенсчафтличес Семинар“ (инглизча). РесеарчГате. Қаралди: 2026-йил 22-март.
- ↑ Cентре, Суссех Асиа „Мс Моска Нажиб : Ассоcиатед Аcадемиcс : ... : Суссех Асиа Cентре : Университй оф Суссех“. www.суссех.аc.ук. Қаралди: 2026-йил 22-март.