Favra-Rakusho kasalligi

Фавра-Ракушо касаллиги – сариқ папулалар, пилакчалар, комедонлар ва кисталар пайдо бўлиши билан намоён бўладиган бириктирувчи тўқиманинг дегенератив касаллигидир. Касаллик белгилари терида кўзга ташланади.

Касаллик дастлаб франсуз дерматологлари Фавра ва Ракушо томонидан аниқланган^[1].

Эпидемиологияси

Касаллик кўпроқ кекса одамларда учрайди. Касаллик эркакларда аёлларга нисбатан бир неча баробар кўп кузатилади.

Этиологияси ва патогенези

Ҳозирги вақтда Фавра – Ракушо касаллигининг патогенези ва этиологияси номаълум. Тахминларга кўра, касаллик ривожланишида асосий омил кучли ултрабинафша нурланиш ҳисобланади. Бунинг натижасида эластин дегенерацияга учраб, эпидермисда ўзгаришлар юз беради^[2].

Клиник манзараси

Касаллик сариқ рангли папулалар ва пилакчаларнинг пайдо бўлиши билан намоён бўлади. Асосан чакка, ёноқ, пешона, кўз атрофи, қўл кафти ва билак орқа қисмларида яллиғланмайдиган қора рангли очиқ комедонлар вужудга келади. Касаллик ривожланиш давомида зарарланган жойлардаги тери қалинлашиб, кўплаб майда, аксарият ҳолларда бир-бирига қўшилиб кетувчи кератин билан тўлган тугунлар ҳосил бўлади^[1].

Диагностикаси

Касалликка анамнез ва клиник манзараси асосида ташхис қўйилади. Камдан кам ҳолларда биопсия усули қўлланади^[3].

Дифференсиал диагностикаси

Дифференсиал диагностикаси қуйидаги касалликлар билан ўтказилиши керак:

Колллоид милияр пуфакчалар
Вулгар акне
Хлоракне
Комедон невуси
Ирингома
Диффуз эластома Дюбрей
Трихоэпителиома
Кечки тери порфирияси^[3].

Даволаш

Фавра-Ракушо касаллигини даволаш қийин. Оғир ҳолатларда консерватив терапия қўлланилади. Бунда ретиноидлар ва тизимли глюкокортикоидлардан фойдаланилади. Кичик ўлчамдаги комедонлар учун ретиноидлар самарали ҳисобланади. Иккиламчи инфексиялар учун антибиотиклар қўллаш тавсия этилади. Пилакчалар жарроҳлик усули билан олиб ташланади, аммо касаллик тез-тез қайталаниб, чандиқлар ҳосил бўлишига олиб келади^[1].

Манбалар

↑ ^1,0 ^1,1 ^1,2 Федеральные клинические рекомендации. Дерматовенерология: Болезни кожи. Инфекции, передаваемые половым путем. Деловой экспресс, 2015. ИСБН 978-5-89644-123-6.
↑ Большая Медицинская Энциклопедия. 3 издание — 26 том-бет.
↑ ^3,0 ^3,1 А. Паганелли, В. Д. Мандел, С. Калеcи, Г. Пеллаcани, Э. Росси. Фавре-Раcоучот дисеасе: сйстематиc ревиэw анд поссибле тҳерапеутиc стратегиэс // Жоурнал оф тҳе Эуропеан Аcадемй оф Дерматологй анд Венереологй: ЖЕАДВ. — 2019-01. — Т. 33, вып. 1. — С. 32–41. — ИССН 1468-3083. — ДОИ:10.1111/ждв.15184. Архивировано 11 сентябр 2021 года.

[:0-1] 1,0 ^1,1 ^1,2 Федеральные клинические рекомендации. Дерматовенерология: Болезни кожи. Инфекции, передаваемые половым путем. Деловой экспресс, 2015. ИСБН 978-5-89644-123-6.

[2] Большая Медицинская Энциклопедия. 3 издание — 26 том-бет.

[:1-3] 3,0 ^3,1 А. Паганелли, В. Д. Мандел, С. Калеcи, Г. Пеллаcани, Э. Росси. Фавре-Раcоучот дисеасе: сйстематиc ревиэw анд поссибле тҳерапеутиc стратегиэс // Жоурнал оф тҳе Эуропеан Аcадемй оф Дерматологй анд Венереологй: ЖЕАДВ. — 2019-01. — Т. 33, вып. 1. — С. 32–41. — ИССН 1468-3083. — ДОИ:10.1111/ждв.15184. Архивировано 11 сентябр 2021 года.

[1]

[2]

[3]