Flora Brovina
Флора Бровина (1949-йил 30-сентябрда туғилган) – косовалик албан шоира, педиатр ва аёллар ҳуқуқлари фаоли. Косовонинг Дрениcа водийсидаги Скендераж шаҳрида туғилган, аммо Приштина шаҳрида улғайган, шу ерда мактабга қатнаган ва тиббиёт бўйича таълим ола бошлаган. Олий таълимда педиатрия соҳасида Загребда таҳсил олган. Кейинроқ Косовога қайтиб, қисқа муддат давомида „Рилинджа“ номли албан тилидаги кундалик газетада журналист сифатида фаолият юритган. Орадан бироз вақт ўтиб, яна соғлиқни сақлаш соҳасига қайтган ва кўп йиллар давомида Приштина умумий касалхонасининг педиатрия бўлимида хизмат қилган.
| Флора Бровина | |
|---|---|
 | |
| Таваллуди |
1949-йил 30-сентябр |
| Ижод қилган тиллари | Албан |
| Имзоси | |
.svg) | |
Косово уруши
1990-йилларда Косоводаги сиёсий вазият ёмонлашиб, қуролли тўқнашувлар бошлангач, Флора Бровина Приштинада соғлиқни сақлаш марказини бошқарган. Бу марказ орқали у аҳолига соғлиқни сақлаш бўйича турли мавзуларда, масалан, илон чақиши, яраларни боғлаш, туғруқ жараёни каби ҳолатларда керакли тиббий маълумотлар берган. Шунингдек, Бровина ушбу марказдан уруш ва мажбурий кўчиришлар натижасида етим қолган болалар учун бошпана сифатида ҳам фойдаланган. У ва унинг ҳамкасблари бир вақтнинг ўзида 25 нафар болага ғамхўрлик қилишган.
1999-йил 20-апрел куни Косово уруши даврида Флора Бровина ўзи яшаб турган уйидан саккиз нафар ниқобли серб қуролли жангчилари томонидан ўғирлаб кетилган ва машинада номаълум манзилга олиб борилган. Шундан сўнг у Сербия ҳудудида асирликда бўлган. Орадан кўп ўтмай, НАТО кучлари Приштинага кириб келиб, серб қўшинлари Косоводан чекинди. Бровина ўғирлаб кетилгани ҳақидаги биринчи хабар 1999-йил 24-апрелда тарқалган бўлиб, бу ҳақида унинг ўғли халқаро ёзувчилар уюшмаси ПЕНга мурожаат қилиб, унинг йўқолганини бутун дунёга етказишни сўраган. Бровина Сербиядаги Поžареваc қамоқхонасига кўчирилган. Асирликнинг биринчи ойида у 18 та алоҳида сўроқ сессиясида 200 соатдан ортиқ сўроққа тутилган, ҳар бир сўроқ, одатда, эрталаб соат 7:00 дан кечки 17:00 гача давом этган. 1999-йил 9-декабрда эса у Югославия Жиноят Кодексининг 136-моддаси асосида „террорчилик фаолияти“да айбланиб, жамоатчилик олдида судланган. Бровина бир ярим йил серб қамоқхоналарида сақланган, сўнгра халқаро даражадаги босим натижасида озодликка чиқарилган.
Сиёсат
Косово мустақил деб эълон қилингандан сўнг Флора Бровина 2001-йилда Косово Президенти лавозими учун номзодини қўйган. У бу сайловда Косово Демократик партияси (ПДК) сафидан, партия етакчиси Ҳашим Тҳақи ўрнига кутилмаган номзод сифатида қатнашган[1]. Шундан кейин, Флора Бровина ҳар бир парламент чақириғида Косово Ассамблеяси аъзоси бўлиб фаолият юритган[2][3][4][5][6][7].
Манбалар
- ↑ „Пресидентиал баттле ин Косово“. CНН (2001-йил 19-ноябр). Қаралди: 2015-йил 15-апрел.
- ↑ Флора Бровина он тҳе ҳомепаге оф тҳе Ассемблй оф Републиc оф Косово
- ↑ Фирст Легислатион Период (17.11.2001 – 23.11.2004)
- ↑ Сеcонд Легислатион Период (23.11.2004 – 12.12.2007)
- ↑ Тҳирд Легислатион Период (13.12.2007 – 03.11.2010)
- ↑ Фоуртҳ Легислатион Период (12.12.2010 – 07.05.2014)
- ↑ Фифтҳ Легислатион Период (17.07.2014-)