Fluoressensiya

Флуорессенсия (флюорит ва лот. эсcент – кучсиз таъсирни ифодаловчи суффикс), флюорессенсия – қисқа вақтда сўнадиган люминессенсия. Одатда, флуорессенсия атом ва молекулаларнинг спонтан квант ўтишларида содир бўлади, шунинг учун флуорессенсия давомийлиги атом ва молекулаларнинг уйғонган ҳолатда яшаш вақти билан аниқланади (ман этилган ўтишлар ҳолида флуорессенсия давомийлиги анчагина катта бўлиши мумкин). Флуорессенсия ёрдамида моддалар структураси ва уларда юз берадиган физик жараёнлар ўрганилади. Флуорессенсиядан люминессент анализ, чақновчи санагичлар, дефектоскопия, микробиология, тиббиёт, биофизика ва ҳоказоларда фойдаланилади.