Fosforessensiya

Фосфорессенсия - уйғотиш тугагандан кейин ҳам анча давом этадиган люминессенсия. Фосфорессенсия бир неча секунд, минут, соат, ой ва ҳатто йил давом этиши мумкин. Кристаллофосфорларнинг фосфорессенсияси уйғотиш вақтида ажраладиган электронлар ва ковакларнинг рекомбинацияси вақтида содир бўлади. Нурланишнинг чўзилиши электронлар ва ковакларнинг турли "қопқон"ларга илиниши билан боғлиқ. Улар фақат "қопқон" чуқурлигидан катта бўлган қўшимча энергия олибгина бу "қопқон"лардан озод бўлиши мумкин. Мураккаб органик молекулаларнинг фосфорессенсияси уларнинг метастабил (оралиқ) ҳолатда бўлиши билан боғлиқ. Органик молекулалар фосфорессенсиясининг равшанлиги, одатда, вақт бўйича экспоненсиал қонун бўйича камаяди. Кристаллофосфорлар фосфорессенсияси равшанлигининг сўниш қрнуни мураккаб. Кристаллофосфорлар трасининг ортиши, одатда, фосфорессенсиянинг сўнишини тезлатади (яна қаранг Флуорессенсия).