Fotima Abushanab

Фотима Абушанаб– Реcеп Таййип Эрдоğаннинг халқаро ташрифларида Президент учун таржимон сифатида фаолият юритади. Шунингдек, Фотима Абушанаб Туркия раислигида ҳам халқаро алоқалар бўйича мутахассис.

Фатима Абушанабнинг расми

Таълими

Фотима Абушанаб Жорж Мейсон (Георге Масон) (Америка Қўшма Штатлари) университетида ҳукумат ва халқаро сиёсат бўйича бакалавр даражасини олган.

У Жоржтаун (АҚШ) университетида аспирантурада ўқишни давом эттирган ва у ерда мусулмон-христиан муносабатларига эътибор қаратган ҳолда либерал тадқиқотлар бўйича магистр даражасини олган.

Вашингтондаги фаолияти давомида у Беcкетфунд Диний Озодлик Ташкилоти, Вудро Вилсон Халқаро Олимлар Маркази ва АҚШ Конгрессида илмий ёрдамчи лавозимларида ишлаган. Унинг илмий қизиқишлари орасида ижтимоий ҳаракат назарияси, дунёвийликдан кейинги диний назария, шунингдек, сиёсий антропология ва дин социологияси киради.

Ҳозирда Йилдирим Беязит (Туркия) университетининг Халқаро алоқалар бўлимида ПҳД талабаси.

Оиласи

Отаси Али Аҳмад Абушанаб, онасининг исми Мерва Кавакчи. Мариам Кавакчи исмли синглиси бор.

Фотиманинг онаси Мерва Кавакши туркиялик сиёсатчи бўлиб, у ҳам бутун дунёга машҳур. Машҳурлигининг сабаби 1999-йил 2-май куни Кавакчи Демократик Сўл Партия аъзолари томонидан қасамёд қилиш маросимида рўмоли туфайли қасамёд қилишдан четлаштирилган эди ва бу ўша пайтларда матбуотда жуда кенг муҳокамаларга сабаб бўлган. Аммо кейинчалик 2001-йилда барибир қасамёд қилишга эришган ва ўз ўрнига қайта тикланган.

У Гарвард университетида магистр даражасини ва Ховард университетида ПҳД даражасини олган. У икки фарзанднинг онаси: Фотима Абушанаб ва Мариам Кавакчи.