Fred Brooks

Фредериcк Пҳиллипс Броокс (талаффузи: Фредерик Филлипс Брукс) ёки Фред Брукс (19-апрел 1931-йил – 17-ноябр 2022-йил) – америкалик компютер олими ва 1999-йилда А. М. „Компютер архитектураси, операцион тизимлар ва дастурий таъминот инжинирингига қўшган улкан ҳиссаси“ учун Туринг мукофоти билан тақдирланган. Бу информатика соҳасидаги энг юқори мукофотлардан бири ҳисобланади. Фред Броокснинг илмий қизиқиш доираси инсон ва компютернинг ўзаро муносабати, уч ўлчовли компютер графикаси ва айниқса виртуал ҳақиқатни ўз ичига олган, у илмий визуализация воситаларини яратишга раҳбарлик қилган. Масалан, Брукс янги оқсилнинг физик тузилишини ҳал қилиш учун биринчи молекуляр график тизимини яратди.

Фред Броокс
Брукс 2007-йилда
Таваллуди	Фредериcк Пҳиллипс Броокс 19-апрел 1931-йил Дурҳам, Шимолий Каролина,, АҚШ
Вафоти	17-ноябр 2022-йил(2022-11-17) (91 ёшда) Чапел Ҳилл,Шимолий Каролина,, АҚШ
Фуқаролиги	АҚСҲ
Таълими	Брукс Дюк университетида физика бўйича бакалавр даражасида (1953),Гарвард университетида амалий математика бўйича докторлик даражасида (1956)
Касби	Америкалик компютер олими
Фаолият йиллари	1965 – йилгача ИБМда ишлади,Шимолий Каролина Университетида,Чапел Ҳиллда компютер фанлари бўлимига асос солди,1984 – йилгача кафедра бўлиб ишлаган ва Кенан компютер фанлари профессори бўлган.
Турмуш ўртоғи	Ненси Ли Гринвуд
Болалари	3
Имзоси

Ҳаёти

Фред Брукс, тўлиқ исми Фредериcк Пҳиллипс Броокс (1931-йил 19-апрелда туғилган, Дурҳам, Шимолий Каролина шаҳарида туғилган. Унинг ёшлик ва ўсмирлик йиллари шу ерда ўтган. Брукс 1956-йилда Ненси Ли Гринвуд билан турмуш қурди. Уларнинг уч фарзанди бор. У тўнғич ўғлига яқин ҳамкасби Кеннетҳ Эугене Иверсон исмини қўйди. Брукс инсулт бўлганидан кейин соғлиғи ёмонлашди. Броокс 2022-йил 17-ноябрда 91 ёшида вафот этди.

Иш фаолияти

Брукс ИБМ компаниясига ишга кирди ва у ерда Лос Аламос миллий лабораторияси учун АҚШ Миллий хавфсизлик агентлиги томонидан буюртма қилинган ИБМ7030 (Стретч номи билан танилган) суперкомпютерида ишлади. Брукс, Дура Сwеэней билан биргаликда компютернинг узилиш тизимини ихтиро қилди. Бу зудлик билан эътиборни талаб қиладиган турли хил ҳисоблаш „ҳодисалар“ ни таниб олиш ва бир нечта дастурлар ёки киритиш / чиқариш қурилмалари фаолиятини синхронлаштириш учун ишлатилади. Брукс, шунингдек, ИБМ ОС/360 операцион тизими ва унга алоқадор компютерлар оиласининг ривожланишини бошқарган. Бу лавозимда Брукс асосий манзилли бирлик сифатида 8 битли байтни танлаш ва деярли барча кейинги компютерларда қабул қилинган алфанумерик белгиларнинг тўлиқ тўпламини киритиш учун жавобгар эди. Брукс 1965-йилда ИБМни тарк этди ва кейинги йилда Шимолий Каролина университетида, Чапел Ҳиллда компютер фанлари бўлимига асос солди. У 1984-йилгача кафедра бўлиб ишлаган ва Кенан компютер фанлари профессори бўлган. Брукс машҳур " Кумуш ўқ йўқ " мақоласи ва энг кўп сотилган " Афсонавий одам-ой " китобининг муаллифи . Унинг 1975-йилдаги ушбу китобидаги сўзлари „Брукс қонуни“ деб номланган. 1980-йилларнинг ўрталарида Брукс Аппле корпорациясининг бош қароргоҳи яқинидаги Де Анза коллежида (Купертино , Калифорния) нутқ сўзлади . Корпорациянинг ижрочи директори Жан-Луи Гасе ҳар бир ходимига китоб нусхасини беришини буюрди. Кўпгина ишлаб чиқувчилар суҳбатга Брукснинг ишини ўқиб чиқишди.

1994-йилда Брукс Ҳисоблаш машиналари ассоциациясига аъзо бўлди.

Мукофотлари

• 1970 – Компютер фанлари бўйича ахборот хизматлари мукофоти – Ахборот Технологиялари Мутахассислари(Информатион Течнологй Профессионалс)
• 1970 – Уоллес МакДоуэлл мукофоти – ИЭЭЭ Компютер жамияти
• 1982 – Компютер кашшофлари мукофоти —ИЭЭЭ Компютер жамияти
• 1985 – АҚШнинг технология ва инновациялар миллий медали
• 1986 – Томас Жефферсон мукофоти – УНC-Чапел Ҳилл
• 1989 – Гарри Гуде хотира мукофоти
• 1993 – Жон фон Нейман медали – ИЭЭЭ
• 1996 – Бауэр мукофоти
• 1999 – Туринг мукофоти "компютер архитектураси, операцион тизимлар ва дастурий инжинирингга қўшган улкан ҳиссаси учун"
• 2004 – Эcкерт – Маучлй мукофоти – АCМ ва ИЭЭЭ Компютер жамияти.