Fritz Albert Lipmann

Фритз Алберт Липманн (1899-йил, 6-декабр, Кенигсберг, ҳозирги Калининград — 1986) — америкалик биокимёгар. АҚСҲ Миллий Фанлар академияси аъзоси (1950-йилдан). Асосий илмий ишлари тўқималардаги моддалар алмашинувига оид. Углеводлар метаболизмида фосфатлар фосфат гурухларини йўқотиб, нисбатан оз, баъзан кўп миқдорда энергия ажратиб чиқариши мумкин. Шунга асосланиб энергияси кам ва энергияга бой фосфатлар мавжудлигини, улар ҳар қайсисининг тавсифли структурасини аниқлади. Кабутар жигаридан ферментатив реаксияларда ацил гурухларини ташишда иштирок этадиган бирикмани ажратиб олди ва унга А конформент деб ном берди (1947), унинг тузилишини текширди ва биологик ролини аниқлади. Нобел мукофоти лауреати (1953).