Furkan Akar
Фуркан Акар (2002-йил 6-мартда туғилган) – туркиялик шорт-трек спортчиси[1][2]. У шорт-трек бўйича Олимпия ўйинларида иштирок этган Туркиянинг илк вакили ҳисобланади. Шунингдек, у Хитойнинг Пекин шаҳрида бўлиб ўтган 2022-йилги Қишки Олимпия ўйинларида ушбу спортнинг 1000 метрлик масофасида 6-ўринни эгаллаб, Туркия тарихида Қишки Олимпия ўйинларида „Топ 10“ таликка кирган биринчи ва ҳозирча ягона спортчи бўлди.
| Фуркан Акар | |
|---|---|
| Шахсий маълумотлари | |
| Фуқаролиги |
 Туркия |
| Таваллуд санаси |
2002-йил 6-март Арзирум, Туркия |
| Спорт | |
| Қайси спорт | шорт-трек |
Акар 2023-йилги Европа чемпионатида 1000 метрлик трекда 1:34.780 натижа билан учинчи ўринни эгаллаб, бронза медалини қўлга киритган. Бу шорт-трек йўналишида Туркия учун илк тарихий медал ҳисобланади.
Ёшлик йиллари
Фуркан Акар 2002-йил 6-март куни Туркиянинг Эрзурум шаҳрида туғилган. У қишки спорт турларига бўлган қизиқишини акасининг машғулотларини кузатиш жараёнида орттирган ва айнан унинг таъсири остида спортга кириб келган. Тўққиз ёшида Акар чанғи спорти билан шуғуллана бошлаган[3].
У ҳозирда Арзирум шаҳридаги Ататüрк университетининг Спорт фанлари факултетида спорт мураббийлиги йўналишида таҳсил олмоқда[4].
Спортчилик карераси
Акар шорт-трек йўналишида Арзирум Г. С.İ.М. лицензияси остида мусобақаларда иштирок этади[3]. У 2015-йилдан буён Туркия миллий терма жамоаси аъзоси ҳисобланади[4].
Акар 2019-йилда Босния ва Герсеговинанинг Сараево шаҳрида бўлиб ўтган Европа ёшлар қишки олимпия фестивали доирасида ўғил болалар ўртасида 500 метр масофада бронза, 1500 метр масофада эса кумуш медални қўлга киритган[5].
У 2021–2022-йилги ИСУ Тезкор конкида учиш бўйича Жаҳон кубоги доирасида эркаклар ўртасидаги 1000 метр масофага баҳсда иштирок этиб, 17-ўринни эгаллаган[3]. Шунингдек, у Хитойнинг Пекин шаҳрида бўлиб ўтган 2022-йилги Қишки Олимпия ўйинларида қатнашиш ҳуқуқини қўлга киритган[6].
Акар 2022-йилги Қишки Олимпия ўйинларининг очилиш маросимида Айşэнур Думан билан биргаликда Туркия делегациясининг байроқдори этиб тайинланган. У шорт-трек бўйича 1000 метр масофадаги мусобақада иштирок этиб, Финал Б босқичида 1:36.052 натижа билан иккинчи ўринни эгаллаган ва умумий ҳисобда 6-ўриндан жой олган[7].
Шунингдек, у 2023-йилги Шорт-трек бўйича Европа чемпионатида 3-ўринни эгаллаган.
Манбалар
- ↑ „Фуркан Акар“ (тр). олимпияткомитеси.орг.тр. Тüркие Милли Олимпият Комитеси. Қаралди: 2022-йил 4-феврал.
- ↑ „Фуркан Акар“. ИСУ. Қаралди: 2022-йил 6-феврал.[сайт ишламайди]
- ↑ 3,0 3,1 3,2 „Фуркан Акар кимдир ве каç яşıндадıр? Тüркие тариҳинде бир илк ! Кış Олимпиятларı'нда ...“ (тр) (2022-йил 4-феврал). Қаралди: 2022-йил 4-феврал.
- ↑ 4,0 4,1 „Фуркан Акар, Кış Олимпиятларı иçин Çин'э гитти“ (тр) (2022-йил 26-январ). Қаралди: 2022-йил 4-феврал.
- ↑ „ЭЙОФ 2019’ун İкинcи Гüнüнде Фуркан Акар’дан İкинcи Мадаля“ (тр). олимпияткомитеси.орг.тр. Тüркие Милли Олимпият Комитеси. Қаралди: 2022-йил 4-феврал.
- ↑ „2022 Пекин Кış Олимпиятларı'нда Тüрк байраğıнı Айşэнур Думан ве Фуркан Акар'ıн таşıяcаğı аçıкландı“ (тр) (2022-йил 3-феврал). Қаралди: 2022-йил 4-феврал.
- ↑ „Фуркан Акар, Олимпият алтıнcıсı олду“ (тр) (2022-йил 7-феврал). Қаралди: 2022-йил 8-феврал.