Fyodor Rusanov

Фёдор Николаевич Русанов (1895.25.5, Челябинск уезди — 1979, Тошкент) — ботаник олим. Ўзбекистон Фанлар академияси академик (1966), Ўзбекистонда хизмат кўрсатган фан арбоби (1965), биология фанлари доктори (1944), профессор (1955). Омск қишлоқ хўжалиги институтини тугатган (1927). Ўзбекистон Фанлар академияси ботаника боғи асосчиси ва директори (1943—76), 1976-йилдан илмий консултант. Илмий ишлари Устюрт, Манғишлоқ, Муюнқум, Кизилкум, ЧуИли водийларининг флораси, ўсимликлар қоплами ва хом ашёсини ўрганишга бағишланган. Русанов маълум иқлим шароитида ўсадиган ўсимликларни иклими бошқача жойда ўстириш (интродуксия) ва иклимлаштириш усулларини ишлаб чиққан. "Туркум комплекси" ва "Умумфлора интродуксияси" усули шулар жумласидандир. Русанов чатиштириш йўли билан гибискус, гокк, пирамидасимон дуб сингари манзарали ўсимлик навларини яратган. Русанов раҳбарлигида 14 жиддли "Ўзбекистон дендрологияси", "Ўзбекистон интродуксияси" номли 27 тўплам чоп этилган.

Манбалар

• Грунтовое световодство в Узбекистане, Т., 1948; Озеленение в архитектуре городов Узбекистана, Т., 1951; Гибридниэ гибискуси, Т., 1965; Теория и опит переселения растений в условиях Узбекистана, Т., 1974.