Gʻulom Musayev
Ғулом Мусаев (1900-йил)да туғилган – ўзбекистонлик шоир ҳамда тужжор.
| Ғулом Мусаев | |
|---|---|
| Шахсий маълумотлари | |
| Таваллуди |
1900-йил Тошкент |
| Вафоти | 1933-йил |
| Фуқаролиги |
 СССР |
| Миллати | ўзбек |
| Касби |
|
Ҳаёти ва меҳнат фаолияти
Ғулом Мусаев 1900-йилда Тошкент шаҳрида деҳқон оиласида таваллуд топган. Дастлаб эски усулдаги мактаб ва мадрасада ўқиган ва мударрис Фазлулло қоридан хусусий равишда таҳсил олган. Болаликдан мумтоз услубда шеър ёзишни машқ қилиб камолга етган. Қолаверса, у хаттотлик билан ҳам шуғулланган. Кейинчалик оила рўзғор юкини енгиллатиш мақсадида тошкентлик тужжор Вали Муҳаммадга ёнига ишга тушади. Унинг топшириғига кўра 1914—1918-йилларда савдо-сотиқ ишлари билан шуғулланган ҳамда қарздорлардан пул ундуриш вазифасини бажарган. 1919-йилда Вали Муҳаммад билан Афғонистонга бориб савдо ишларини ривожлантиришда иштирок этиб, Тошкентга қайтиб келган.
Ҳунарни етарлича эгаллагач Тошкентда ўз баққолчилик дўконини очиб, савдо ишлари билан машғул бўлган. Бўш вақтларида эса хаттотлик ва шеърият билан шуғулланган. Унинг 1919—1926-йилларда Наманганлик Муҳибиллахонга исмли кишига атаб ёзган „Мавлавий Наманганлик“ шеърлари мумтоз шеърият услубида ёзилган ҳамда бу муаллифнинг етук шоирлигидан нишонадир.
Ҳукумат томонидан хусусий савдо-сотиқ ишлари тўхтатилгач, ўз ерида деҳқончилик ва боғбончилик билан шуғулланиб оила рўзғорини тебратган. Ери тортиб олиниб, ўзи қулоқ қилиниш остонасида турган пайтда Афгонистон элчихонасидан ёрдам сўрайди ва ҳукумат қарори билан иш бекор қилинади.
Айблов
1927-йилда Ғ.Қ.Мусаев ОГПУ томонидан чет эл жосуси деб топилиб қамоққа олинади, аммо айби исботини топмагач, кўп ўтмай озодликка чиқарилади. Ғулом Мусаев мавжуд сиёсий шароит билан келиша олмаганлиги сабабли 1932-йил 5-январда Афғонистонга чиқиб кетиш учун элчихонага мурожаат қилган, аммо рухсат ололмаган. 1932-йил 29-декабрда ППОГПУ томонидан Жиноят Кодексининг 58-моддаси 2-банди билан айбланиб қамоққа олинган. Сўнгра 1933-йил 20-майда ОГПУ учлиги мажлиси қарори билан 10 йилга меҳнат тузатиш лагерига сургун қилинган.
Собиқ СССР Олий Совети Ҳарбий трибуналининг 1989-йил, 16-январ қарори билан оқланган. Афсуски, шоир шеърлари топилмаган, тақдири ҳам номаълум[1].
Манба
- ↑ Аҳмад, Сирожиддин. Қизил мустамлака: э'лон қилинмаган уруш Катта қирғин қомуси (1929-1950). Тошкент: Инфо Cаптал Боокс, 2022-йил — 635-бет. ИСБН 978-9943-5789-3-7.