Gʻulom Tojiaʼloyev
Gʻulom Tojiaʼloyev (ayrim manbalarda Aʼloyev; 1921-yil 28-sentyabr, Toshkent, Turkiston general-gubernatorligi, Rossiya imperiyasi – 2012-yil[manba kerak], Toshkent, Oʻzbekiston) – oʻzbek aktyori, Oʻzbekiston SSRda xizmat koʻrsatgan artist. „Tohir va Zuhra“ filmidagi Tohir roli bilan tanilgan.
| Gʻulom Tojiaʼloyev | |
|---|---|
| Fayl:Gʻulom Tojiaʼloyev.jpg | |
| Tavalludi |
28-sentyabr 1921-yil |
| Vafoti |
nomaʼlum Toshkent, Oʻzbekiston |
| Fuqaroligi |
 SSSR →  Oʻzbekiston |
| Kasbi | aktyor, konferansye |
| Otasi | Tojipolvon Aʼloyev |
| Turmush oʻrtogʻi | Ruqiyabonu |
| Bolalari |
Qizi: Saida Tojiaʼloyeva Oʻgʻli: Hotam Tojiaʼloyev |
| Mukofotlari |
  |
Tarjimayi holi
Gʻulom Tojiaʼloyev 1921-yil 28-sentyabr Toshkentning Oʻqchi mahallasida oʻzbek sirkining asoschilaridan biri boʻlgan kurashchi Tojipolvon Aʼloyev oilasida tugʻilgan[1]. Otasi asossiz ravishda qatagʻon qilinib, Orenburgga surgun qilinganidan keyin oiladagi 6 farzanddan faqatgina Gʻulom Tojiaʼloyev tirik qolgan. Sababi uka-singillari ochlik va muhtojlikdan vafot etishgan.
Ijodiy faoliyati
Gʻulom Tojiaʼloyevning ilk roli „Tohir va Zuhra“ filmidagi Tohir roli boʻlgan[2]. Kinodagi faoliyatini yakunlashga esa koʻzidan olgan jarohati sabab boʻlgan[3]. Shundan keyin Botir Zokirovning guruhida faoliyat olib borgan, uning vafotidan soʻng esa filarmoniyada konferansye boʻlib ishlagan[3]. Keksalik chogʻida Rustam Saʼdiyevning „Kelgindi kuyov“ filmiga suratga tushish taklifi kelib tushgan, ammo sogʻligʻi tufayli suratga tushmagan[3].
Filmografiyasi
- 1945 – Tohir va Zuhra – Tohir (bosh rol)[4]
- 1948 – Fargʻona qizi – muhandis Sobirjon[5]
- 1956 – Stadionda uchrashamiz – futbolchi[2]
Mukofotlari
Gʻulom Tojiaʼloyev 1973-yil 2-fevralda „Oʻzbekiston SSRda xizmat koʻrsatgan artist“ faxriy unvoni[6], 1992-yilda „Ona zamin yulduzi“ mukofoti, „El-yurt hurmati“ ordeni bilan taqdirlangan[2].
Manbalar
- ↑ Boqiy sevgi afsonasi 2015, s. 96.
- ↑ 2,0 2,1 2,2 Boqiy sevgi afsonasi 2015, s. 97.
- ↑ 3,0 3,1 3,2 „Tohir va Zuhra“ — kino durdonasi 2016, s. 14.
- ↑ „Тахир и Зухра“ (ruscha). kino-teatr.ru (2024-yil 15-noyabr). 2025-yil 20-yanvarda asl nusxadan arxivlangan. Qaraldi: 2025-yil 8-noyabr.
- ↑ „Дочь Ферганы“ (ruscha). kino-teatr.ru (2024-yil 7-may). 2025-yil 8-noyabrda asl nusxadan arxivlangan. Qaraldi: 2025-yil 8-noyabr.
- ↑ „Gʻ. Tojiaʼloyevga „Oʻzbekiston SSRda xizmat koʻrsatgan artist“ faxriy unvoni berish toʻgʻrisida“. Sovet Oʻzbekistoni gazetasi, №30 (15.504) 2-bet (1973-yil 4-fevral). 2025-yil 8-noyabrda asl nusxadan arxivlangan. Qaraldi: 2025-yil 8-noyabr.
Adabiyotlar
- Hamidulla Akbarov. Boqiy sevgi afsonasi, 1-kitob, Toshkent: Gʻafur Gʻulom nomidagi nashriyot-matbaa ijodiy uyi, 2015 — 248-bet. ISBN 978-9943-03–679-6.
- Hamidulla Akbarov. „Tohir va Zuhra“ — kino durdonasi, 2-kitob, Toshkent: Yangi asr avlodi nashriyoti, 2016 — 276-bet. ISBN 978-9943-27–817-2.