Gahchilik

Гаҳчилик — бирор металл таркибидаги бошқа металлни (одатда, олтиндан мис ёки бошқа металлни, кумушдан қалайини) ажратиб олиш касби, қадимда заргарликнинг бир соҳаси. Г. билан шуғулланувчи уста гаҳчи деб юритилган. Ўтмишда заргарлар олтин, кумуш, қалайи, қўрғошин, мис, жез каби металларни болгалаб, эговлаб, эритиб ёки қийиб турли заргарлик буюмлари ясаганларида уларнинг ғаш (ерга тўкилган ва кўрадаги кулга эриб тушган зарра)ларини гаҳчиларга сотганлар. Гаҳчилар эса уларни сувда ювиб, кул ва тупроқдан, шунингдек бир-биридан ажратиб олганлар. Ўзбек заргарлари ҳали артелларга уюшмаган даврларда Г. кенг тарқалган. Ҳозир заргарлик корхоналарида бирор металлдан бошқа металлни ажратиш кимёвий усулда бажарилади.

Адабиётлар

• ЎзМЕ. Биринчи жилд. Тошкент, 2000-йил