Gajjak

Gajjak — meʼmorlikda ravoqlar koʻndalang kesishishi natijasida paydo boʻlgan qalqonsimon shakl. Xona devorlari ustiga, ravoqlar qatori orasiga ishlanadi. Gajjak yordamida xona devorlariga oʻrnatilgan ravoklar doira holiga keltiriladi. Gajjak gʻoʻlalarining yoʻgʻonligi ravoqpar orasining kengligiga bogʻliq boʻlib, kichik binolarda gajjak kesmasining har tomoni 8—12 sm ga barobar boʻladi. Gajjakning uchlari bir-biriga va negizlari ravokdarga tiralib turadi. Baʼzan ravoq oralariga gajjak oʻrnatilmay, hoshiya gʻishtlari gumbaz negiziga moslab teriladi. Gajjakning ustma-ust ishlangan murakkab turi ham keng qoʻllangan. Gumbaz ostidagi halqa devor ravoq bilan gajjakning tepasidan oʻtadi, shu sababli gajjak poyalari ravoq yoyining taxminan yarim balandligiga tiralib, uchlari esa ravoq uchlari bilan bir xil balandlikda boʻlishi lozim.

Adabiyotlar

• OʻzME. Birinchi jild. Toshkent, 2000-yil