Galogen jinslar

Галоген жинслар/Эвапоритлар - хемоген чўкинди жинслар. Арид иқдимда қуриётган денгиз ҳавзаларида, лагуналарда ва шўр сувли кўлларда тўйинган эритмалардан галогенез жараёнида кристалланади. Табиатда кенг тарқалган чўкинди жинсларнинг асосийларидан ҳисобланади. Г. ж.га галитдан ташкил топган галитли, силвинли ҳамда карналлитли (карналлит, галит), гипсли (гипс), астраханитли (астраханит, галит), содали (табиий сода, мирабилит), кўп минералли (ланбейнит, каинит, кизерит, силвин, галит, полигалит) жинслар ва б. киради. Г. ж. ташқи муҳит (айниқса, сув) таъсиридан тез парчаланиб эрийди. Перм даврининг чўкинди жинслари таркибида кўп учрайди. Г. ж. озиқ-овқат, кимё саноати ва қишлоқ хўжалигида ишлатилади.

Адабиётлар

• ЎзМЕ. Биринчи жилд. Тошкент, 2000-йил