Gamma-spektrometr

Гамма-спектрометр – гамма-нурланиш энергиясини ўлчайдиган асбоб. Магнитли, кристалл (дифраксион) ва ссинтилляцион гамма-спектрометр кўпроқ ишлатилади. Магнитли гамма-спектрометр иккиламчи электронлар (тепки электронлар, фото-электронлар, электрон-позитрон жуфтлар)ни ташкиллашда ишлатилади. Магнитли гамма-спектрометрнинг тури — гамма-годоскоп электронлар траекторияси ва энергиясини аниқлайди. Кристалл гамма-спектрометрнинг ишлаши кристалл панжарада у-нурланиш дифраксияланишига асосланган. Кристалл гамма-спектрометр гамма-нурланиш энергиясини жуда тўғри ўлчайди, лекин тузилиши мураккаб бўлгани учун кам ишлатилади. Гамма-квант моддага ютилганда пайдо бўладиган иккиламчи электронни ссинтилляцион гамма-спектрометр қайд қилади. Бундай гамма-спектрометрнинг ажрата олиш қобилияти магнитли ва кристалл гамма-спектрометрникидан кичик, лекин содда ва ишлатиш қулай бўлгани учун кўп қўлланади. Гамма-спектрометр ядро реаксияларини ва элементар зарраларни қайд қилишда, металлургия ва ҳоказо соҳаларда ишлатилади.

Адабиётлар

• ЎзМЕ. Биринчи жилд. Тошкент, 2000-йил