Ganglionevroma

Ганглионеврома (ганглионеурома; лотинча: ганглион — нерв тугуни + неврома), ганглиома — вегетатив ва марказий нерв системаси турли бўлимлари ганглий ҳужайрасининг хавфсиз ўсмаси. Марказий нерв системасида кам учрайди. Ўсмирларда ва балоғатга етганларда, кўпинча, хотин-қизларда учрайди, секин ўсади. Кўкс оралигининг орқасида, қорин пардасининг орқасидаги бўшлиқса ва буйрак усти безида бўлади. Баъзан каттагина бўлиб, капсулага ўралиб туради. Умуртқа поғонаси яқинида бўлганда умуртқа каналининг ичига қараб ўсиб, орқа мияни эзиб қўяди. Ганглионеврома бошқа аъзоларга тарқалмайди, лекин кўп бўлиши мумкин. Ўсма жарроҳлик йўли билан олиб ташланади.

Адабиётлар

• ЎзМЕ. Биринчи жилд. Тошкент, 2000-йил