Ganja gilami

Ганжа гиламлари ёки Ганжа палослари Озарбайжондаги Кавказ гиламлари тоифасига кирувчи, Гəнcə шаҳри (шунингдек, Геунге, Гендже ёки Ганжа шаклида ҳам ёзилади)да тўқилган гиламлардир^[1].

Гиламлар

Ганжа гиламлари нафақат Ганжа шаҳрининг ўзида, балки Гарабагли, Борсунлу, Шадли, Гарадагли, Шамкир ва бошқа гиламчилик марказларида ҳам ишлаб чиқарилган. Ганжада тўқилган гиламлар „Ганжа-шаҳар“ деб аталган. Бундай гиламларнинг бозор нархи қишлоқларда тайёрланган Ганжа гиламлариникига қараганда юқори бўлган.

Ганжа гиламларининг композисияси, ранг танлови ва услуби бошқа озарбайжон гиламларидан фарқ қилади. Ганжа гиламларининг биринчи тури саккизбурчаклар, юлдузлар ёки гиламнинг бўйлама ўқи бўйлаб жойлаштирилган учта геометрик медалондан иборат нақшлар билан тавсифланади. Гиламларнинг ранги одатда кўк, тўқ кўк ва кошенил қизил бўлади. Ганжа гиламларининг иккинчи тури ўртасидаги майдон эса бир неча „кўл“лар билан безатилади. Бу „кўл“лар кўпинча хочсимон ва саккизбурчак шаклларда учрайди^[2].