Gaz pechi

Газ печи — табиий газ, кокс, генератор гази, домна газлари ёки уларнинг аралашмалари билан ишлайдиган печ. Г. п.нинг тузилиши оддий, ўтга чидамли ғиштдан терилади. Қаттиқ ёқилғи ёки суюқ ёнилғи билан ишлайдиган печларни Г. п.га айлантириш осон. Бунинг учун уларга газ горелкалари ўрнатиш кифоя. Г. п. ойна, пўлат, рангли металларни эритишда, металларни прокатлаш ва штамплаш олдидан қиздиришда, металл буюмларга термик ишлов беришда, нон ёпиш ҳамда қандолат маҳсулотларини пишириш, қуритиш ва б. учун ишлатилади.

Адабиётлар

• ЎзМЕ. Биринчи жилд. Тошкент, 2000-йил