Gelioskop

Гелиоскоп (гелио... ва юн. скопео — қарайман, кузатаман) — Қуёш сиртини кўриб кузатишга мосланган телескоп. Қуёшга махсус филтрсиз телескоп билан бевосита қараб бўлмаслиги са-бабли, Қуёшдан келаётган нурни кучсизлантириб берувчи турли Г.дан фойдаланилади. Қуёш нурлари телескоп фокуси олдига ўрнатилган шиша кўзгу (схемага қ.) С дан қайтиб, қўшалоқ призма Пв Р2 га келади (призмалардан бири Рх махсус шиша — кренглассдан ясалган, иккинчиси Р2 га суюқлик тўлдирилган), унда синиб окулярга тушади. Суюқликнинг нур синдириш коэффициенти кренглассникидан кичик бўлгани учун окулярга тушган нур интенсивлиги кўзгуга тушган нурникига қараганда камроқ бўлади. Ҳозир Қуёш сирти асосан фотографик усуллар билан тадқиқ қилинганлиги туфайли Г. иккинчи даражали ўрин тутадиган бўлиб қолди.

Адабиётлар

• ЎзМЕ. Биринчи жилд. Тошкент, 2000-йил