Gella Vandecaveye
Гелла Вандеcавее (талаффузи: Гелла Вандекавее; 5-июн 1973-йил, Кортрижк, Ғарбий Фландрия) – белгиялик дзюдочи, икки карра ёзги Олимпиада ўйинлари совриндори, икки карра жаҳон чемпиони, етти карра Европа чемпиони, кўп карра Белгия чемпиони[1].
| Гелла Вандеcавее | |
|---|---|
 | |
| Шахсий маълумотлари | |
| Жинси | Аёл |
| Фуқаролиги |
.svg){kind=small} Белгия |
| Таваллуд санаси |
5-июн 1973-йил Кортрижк, Ғарбий Фландрия |
| Бўйи | 170 см |
| Вазни | 63 кг |
| Спорт | |
| Мамлакат | Белгия |
| Клуби | Жита Кёэи Гент |
| Оғирлик тоифаси | 61 кг, 63 кг |
| Профессионал фаолият | |
| Ҳаваскор фаолият | |
Ҳаёти
Гелла дзюдо билан 8 ёшидан шуғуллана бошлаган. Гелла ёшлар ўртасидаги миллий чемпионатларда барча мукофотларни қўлга киритган. 1990-йилда Гелла ёшлар ўртасидаги Европа чемпионатида учинчи ўринни эгаллаган. 1990-йилда Гелла катталар ўртасида Белгия чемпиони бўлади ва 1992-йилдан Гелла кетма-кетликда 13 марта миллий чемпионатда ғолиб чиққан. 1992-йилда Гелла Барселонадаги ёзги Олимпия ўйинларида қатнашган. Мусобақада белгиялик спортчи 61 кггача бўлган вазн тоифасида иштирок этган. Гелла икки раундни ишончли тарзда ўтказган, аммо 1/4 финал босқичида германиялик Фрауке Эиcкҳоффга ютқазган. Учинчи ўрин учун бўлган раундда Гелла Елена Петровага ютқазиб қўйган. 1993-йилда ёш белгиялик дзюдочи кутилмаганда финалда ўтган Олимпиада ўйинларининг кумуш медали совриндори исроиллик Яэл Арадни мағлуб этиб, жаҳон чемпиони бўлди. 1994-йил баҳорида Гелла Полшанинг Гданск шаҳрида бўлиб ўтган катталар ўртасидаги Европа чемпионатида олтин медални қўлга киритган. 1995-йилда белгиялик спортчи энг йирик халқаро чемпионатларда иккита бронза медални қўлга киритди[2].
1996-йилда Атлантада бўлиб ўтган Ёзги Олимпиада ўйинларида Гелла аллақачон медалга даъвогар сифатида кўрилган. Белгиялик дзюдочи 61 кггача бўлган вазн тоифасида финалга чиқишга муваффақ бўлди ва у ерда япониялик Юко Эмотога имкониятни бой бериб, кумуш медал соҳибига айланган. 1997-йилдан бошлаб беш йил давомида Гелла ҳеч кимга ўз вазн тоифасида Европанинг энг яхши дзюдочиси унвонини бермаган[3]. 1997 ва 1999-йиллардаги жаҳон чемпионатларида Гелла икки марта кумуш медални қўлга киритган.
2000-йилда Сиднейда бўлиб ўтган ёзги Олимпиада ўйинлари бошланишидан икки ой олдин, машғулот лагерида Гелла ўнг тиззасининг кўндаланг бойламини узиб олади ва спортчининг ўйинларда иштирок этиши ёки этмаслиги масаласи кўрилади. Шунга қарамай, спортчи ўз физиотерапевти билан биргаликда жароҳатини даволаб, Сиднейдаги мусобақа қатнашади. Олган жароҳатига қарамай, Гелла 63 кггача бўлган вазн тоифасида муваффақиятли иштирок этган. Бутун турнир давомида белгиялик дзюдочи чорак финалда фақат ҳакамларнинг қарорига кўра бўлажак кумуш медал соҳиби хитойлик Ли Шуфангга ютқазиб, мағлуб бўлган. 2001-йилда Мюнхенда бўлиб ўтган жаҳон чемпионати бошланишидан икки ҳафта олдин Гелла ошхона пичоғини тушириб юбориши туфайли оёғининг бош бармоғини кесиб олди, аммо шунга қарамай, спортчи ўз характерини намоён эта олган ва жаҳон чемпионатидаги иккинчи олтин медалини қўлга киритган.
2004-йилда Афинада бўлиб ўтган Ёзги Олимпиада ўйинлари Гелла учун энг яхши натижа олиб келмаган. Олимпиада турнирининг чорак финалида 63 кггача вазн тоифасида белгиялик спортчи словениялик спортчи Урšка Žолнирга, учинчи ўринга чиқиш босқичида эса кубалик чемпион Дриулис Гонзáлезга имкониятни бой бериб, Олимпиада медалисиз қолган. Ўша йили Гелла ўзининг спортдаги фаолиятини якунлашга қарор қилган.
2009-йилда Вандекавей дунёнинг турли мамлакатларида яшовчи белгияликлар билан учрашиш, ўша ердаги Белгия корхоналари ва элчихоналарига ташриф буюриш мақсадида кўплаб мамлакатларга борган. Ташриф доирасида Гелла Россия Федерацияси бош вазири Владимир Путин[4] ва Далай Лама[5] билан учрашув ўтказишга муваффақ бўлган. 2015-йилда Гелланинг номи Халқаро дзюдо федерациясининг шон-шараф залига киритилган[6].
Ютуқлари
- Европанинг энг яхши дзюдочиси (4): 1994, 1998, 1999, 2001.
- Белгияда йилнинг энг яхши спортчиси (2): 1993, 1997.
Давлат мукофотлари
Леополд И ордени катта офицери (2003).
Шахсий ҳаёти
- Гелла нидерландча: Гелла & Эддй, ээн ҳалсбрекенд дуо номли биографик китобини ёзган.
- 2005-йилда Гелла шарафига номинал қиймати 0,50 евро бўлган почта маркаси чиқарилган[7].
Манбалар
- ↑ „Гелла Вандеcавее“. 2016-йил 4-декабрда асл нусхадан архивланган. Қаралди: 2018-йил 1-июн.
- ↑ „Гелла Вандеcавее“. 2016-йил 4-декабрда асл нусхадан архивланган. Қаралди: 2018-йил 1-июн.
- ↑ „Эуропеан Жудо Неwс, Wинтер 1999.“. 2021-йил 18-июнда асл нусхадан архивланган. Қаралди: 2024-йил 28-ноябр.
- ↑ „Визит всемирноизвестной дзюдоистки Геллы Вандекавейе в Москву.“. 2016-йил 4-мартда асл нусхадан архивланган. Қаралди: 2015-йил 9-сентябр.
- ↑ „Гелла Вандеcавее сченкт далаи лама тwеэ жудогорделс“. 2016-йил 4-мартда асл нусхадан архивланган. Қаралди: 2015-йил 9-сентябр.
- ↑ „Гелла Вандеcавее. Ҳалл оф фаме“. 2015-йил 15-сентябрда асл нусхадан архивланган. Қаралди: 2015-йил 9-сентябр.
- ↑ Жудочамп. Гелла Вандеcавее