Ziyosfera

Gemel Stankevich

Гемел Михайлович Станкевич ((беларусча Гемел Міхайлавіч Станкевіч; 1925-1962) — Улуғ ватан уруши қатнашчиси, 111-танк бригадаси взвод командири (25-танк корпуси, 1-Украина фронти), кичик лейтенант. СССР қаҳрамони.

Гемел Михайлович Станкевич
Таваллуди 8-март 1925-йил
Вюновский Селиба (Селиба яқинидаги қишлоқ, Бихов тумани, Могилев вилояти, (Беларус)
Вафоти 5-январ 1962-йил (36 ёш)
Тошкент, Ўзбекистон ССР
Фуқаролиги Sovet IttifoqiСССР
Унвони кичкина лейтенант
Ҳарбий  қисм 111-танк бригадаси
Жанг/уруш Улуғ ватан уруши

Биографияси

Гемел Михайлович Станкевич 1925-йил 8-мартда Беларус Республикаси Могилев вилоятининг Бихов тумани Вюновская Селиба қишлоғида деҳқон оиласида дунёга келган.

Станкевич ўрта мактабда 8-синфгача ўқиган. Ленинград шаҳрида яшаб „Электр“ заводида ишлаган. Урушнинг дастлабки ҳафталарида Гемел шарқий қисмга яъни Тошкент шаҳрига эвакуация қилинган.

Гемел Станкевич 1943-йилда Қизил Армия сафига чақирилган. У ердан Харков танк билим юртига жўнатилган ва Тошкент яқинидаги Чирчиқ шаҳрига эвакуация қилинган.

Станкевич 1944-йилда ўқишни муваффақиятли тамомлаб, кичик лейтенант унвони билан фронтга жўнатилган. У ерда Гемел 25-танк корпуси таркибида 111-танк бригадасининг танк взводига қўмондонлик қилган. Полшани озод қилиш мақсадидаги жангларда қатнашган, Германиянинг Губен шаҳри (ҳозирги Губин, Полша) учун бўлган жангларда жонбозлик кўрсатган.

Гемел Станкевич ўз бригадаси билан Берлингача бўлган ҳудудда жанглер олиб бориб, Берлин-Прага танк юришида қатнашган. Урушдан кейин Гемел Станкевич яна армиядаги хизматини давом эттирган. 1948-йилдан КПСС (Совет Иттифоқи Коммунистик партияси)аъзоси ҳисобланган.

1951-йилда лейтенант унвони билан заҳирага чиқарилган ва шу вақт оралиғида Тошкентда яшаган.

1955-йилда Тошкент юридик институтини тамомлаб, терговчи сифатида ишлай бошлаган.

Гемел Станкевич 1962-йил 5-январда Тошкент шаҳрида вафот этган.

Жасорат

1945-йил 24-февралда танк отряди душманнинг мудофаасини ёриб ўтган ва биринчилардан бўлиб Губен шаҳрига бостириб кирган. Г.М.Станкевичнинг танки душманнинг қарши ҳужумларидан бирини қайтаришда фаустпатрон томонидан ёқиб юборилган. Аммо Губен ва унинг бригадаси жангни тарк этмасдан экипаж носозликни бартараф этган ва хизматни давом эттирган. 4 кунлик жанглар давомида танкерлар 3 та ўзиюрар қурол, 2 та танк, 4 та оғир қурол ва 3 та миномёт ёрдамида 180 га яқин фашистларни йўқ қилишган.

Мукофотлари

  • СССР Олий Кенгаши Президиумининг 1945-йил 27-июндаги (№ 7865-сонли) фармони билан фашист босқинчиларига қарши кураш фронтида қўмондонликнинг жанговар топшириқларини намунали бажарганлиги ҳамда бир вақтнинг ўзида кўрсатган жасорати ва қаҳрамонлиги учун кичик лейтенант Станкевич Гемел Михайлович ,,Ленин" ордени ва ,,Олтин юлдуз" медали ҳамда Совет Иттифоқи Қаҳрамони унвони билан тақдирланган.
  • Шунингдек, И-даражали Улуғ ватан уруши ордени ва Қизил Юлдуз медалига муносиб деб топилган.

Хотира

  • Тошкент ва Бихов шаҳарларидаги кўчаларга Қаҳрамон номи берилган.

Ҳаволалар

"https://new.ziyosfera.uz/ziyo/Gemel_Stankevich" dan olindi