Gemoftalm

Гемофталм (юн. ҳаима - қон ва опҳтҳалмос — кўз) — кўз соққасининг ичига қон қуйилиши. Гемофталм кўз шикастланганда ва организмнинг умумий касалликлари (гипертония, қандли диабет, атеросклероз, буйрак ва қон касалликлари) оқибатида рўй беради. Бемор кўз олди қоронғилашиб, кўрмай қолганини сезади. Кўзнинг шишасимон танасига қуйилган қон жуда ҳам секин сўрилади. Шишасимон тананинг хиралашиши, тўр парданинг кўчиши, кўз ичи босимининг ортиши сабабли кўриш ўткирлигининг пасайиши Гемофталмнинг асоратлари ҳисобланади. Даво Гемофталмга сабаб бўлган касалликни бартараф этишдан иборат. Қоннинг сўрилишини тезлаштириш учун ферментлар ва биоген стимуляторлар буюрилади. Қон бутунлай ёки қисмаи сўрилиши мумкин, зарур бўлганда қоннинг сўрилмай қолган қисми жарроҳлик усули билан олинади.

Адабиётлар

• ЎзМЕ. Биринчи жилд. Тошкент, 2000-йил