Genokopiya

Генокопия (ген... ва лот. cопиа — кўп) — ҳар хил генларнинг аллеллари томонидан назорат қилинадиган фенотипнинг бир хилдаги ўзгариши. Г. келиб чиқишининг сабаби белгиларнинг кўп генлар томонидан бошқарилишидир (қаранг Генларнинг ўзаро таъсири).

Ҳужайрада молекула биосинтези кўп босқичда амалга ошиши туфайли битта — биокимёвий йўлнинг турли босқичларини назорат қилувчи ҳар хил генларнинг мутациялари бир хил натижага, яъни реаксия занжири еўнгги маҳсулотининг ҳосил бўлмаслигига, бинобарин, фенотипнинг бир хилда ўзгаришига олиб келиши мумкин. Маc; дрозофила пашшасининг ҳар хил хромосомаларида жойлашган генлар ресессив аллелларининг ҳар бири мустақил равишда кўзнинг айнан ўша бир хил ёрқинқизил рангини таъмин этади. Бунда ресессив аллелларнинг ҳар бири қўнғир пигмент синтезининг босқичларидан бирини бузган бўлади. Г. муаммоси тиббиёт генетикасида актуал ҳисобланиб, агар ота-оналар ўхшаш касалликларга эга бўлишса, у ҳолда уларнинг авлодларида ирсий касалликнинг намоён бўлиш эҳтимоллигини олдиндан айтиб бериш имконини беради.

Адабиётлар

• ЎзМЕ. Биринчи жилд. Тошкент, 2000-йил