George de Hevesy

ХЕВЕСҲИ (лотинча Ҳевесй) Дерд (Георг) (1885-йил, 8-январ, Будапешт — 1966-йил, 7-май, Фрейберг, ГФР) — венгриялик физик-кимёгар, радиокимёгар. Венгрия Фанлар академияси фахрий аъзоси (1945-йилдан) Сюрих ва Манчестер университетларида (1911— 13), Венадаги радий институтида (1913), Будапешт университетида (1913—20) ишлаган (1918-йилдан профессор). Копенгаген (1920—26 ва 1934—43), Фрейбург (1926 — 34) ва Стокголм (1943-йилдан) университетлари профессор Илмий тадқиқотлари радиокимёга оид. Изотоп индикаторлар усулини таклиф қилган. Илк бор биологияда радиоактив индикатор (радий Д) қўллаб ўсимликларда қўрғошиннинг тақсимланишини ўрганган. Д. Костер билан бирга гафний кимёвий элементини кашф этган (1922). Оғир сувдан фойдаланиб тирик организмларда сув мувозанатини аниқлаш мумкинлигини кашф этган (1941) Нобел мукофоти лауреати (1943).