Georgiy Ioannidis
Георгий Петрович Иоаннидис (1923-йил, Ставропол, СССР – 1986-йил, Афина, Греция) – юз-жағ ва пластик жарроҳлик йўналиши бўйича совет ва грек стоматологи, Тошкент тиббиёт институти профессори.
| Георгий Петрович Иоаннидис | |
|---|---|
 Ιωαννίδης Γεώργιος του Πέτρου | |
| Таваллуди |
6-сентябр 1923-йил Ставропол, СССР |
| Вафоти |
20-март 1986-йил (62 ёшда) Афина, Греция |
| Фуқаролиги |
 СССР →  Греция |
| Соҳаси | Стомотология |
| Иш жойлари | Тошкент тиббиёт институти |
| Илмий даражаси | Тиббиёт фанлари доктори |
| Илмий унвони | Профессор |
Ҳаёти
1923-йил 6-сентябрда РСФСРнинг Ставропол шаҳрида туғилган. Отаси Иоаннидис Петрос Понтиялик грек савдогари, Россия империясининг Карс вилояти Ардахон шаҳрида туғилган. 1918-йилда Брест-Литовск шартномасига кўра Карс вилояти Туркия ҳудудига айланган ва Ионнадис Петрос Ставрополга кўчиб ўтган. Онаси Тамара Тамбиэва - Кабардияда туғилган. 1928-йилда Иоаннидис оиласи Грецияга кўчириб ўтказилган.
Георгий Петрович Иоаннидис 1942-йилда Салоникидаги Аристотел университетининг тиббиёт факултетига ўқишга кирган. У 1942-йилда Греция Коммунистик партияси аъзоси сифатида Греция миллий озодлик фронти билан биргаликда нацистларга қарши курашда қатнашган. 1946—1949-йиллардаги фуқаролар уруши даврида Греция демократик армиясининг партизан кучлари билан бирга (юнонча: Δημοκρατικός Στρατός Ελλάδας) тиббий хизмат лейтенанти унвони остида, ўнг қанот ҳарбийлаштирилган ташкилотларга қарши курашда қаатнашган[1]. 1949-йил сентабрида Греция демократик армиясининг мағлубиятидан сўнг Георгий Иоаннидис ва минглаб омон қолган партизанлар СССРга,Тошкент шаҳрига кўчиб ўтишади.
1954-йилда Георгий Иоаннидис Тошкент тиббиёт институтини тамомлаган. У 1961-йилда тиббиёт фанлари номзоди, 1970-йилда тиббиёт фанлари доктори, 1971-йилда профессор унвонини олади.
Георгий Иоаннидис 1974—1977-йилларда Тошкент тиббиёт институтининг госпитал жарроҳлик стоматологияси кафедраси мудири, 1978—1984-йилларда эса болалар жағ-юз хирургияси кафедраси мудири лавозимларида ишлаган. У Грек сиёсий мигрантлари илмий жамиятига раислик қилган.
Георгий Иоаннидис 1984-йил декабрда Грецияга қайтади. У 1986-йил бошида „Халқ саломатлиги“ илмий-оммабоп журналида нашриёт бўйича маслаҳатчи лавозимида ишлайди.
Георгий Петрович Иоаннидис 1986-йил 20-мартда Афинада вафот этади.
Илмий фаолияти
Манбалар
- ↑ Выдержка из «ГАЗЕТЫ ВРЕМЕННОГО ПРАВИТЕЛЬСТВА» («ΕΦΗΜΕΡΙΔΑ ΤΗΣ ΠΡΟΣΟΡΙΝΗΣ ΚΥΒΕΡΝΗΣΗΣ»). — "Έχοντας υπόψη την ιδρυτική μας Πράξη της 23 του Δεκέμβρη 1947, την Πράξη αριθ. 11 του Γενικού αρχηγείου, το Νόμο αριθ. 1 της Προσωρινής Δημοκρατικής Κυβέρνησης και προτάσεις της ΧΙης Μεραρχίας. Αποφασίζουμε Α. Ονομάζουμε αξιωματικούς του Δημοκρατικού Στρατού Ελλάδας με τους βαθμούς που αναφέρουμε τούς πιο κάτω: ΥΠΟΛΟΓΑΓΟΙ α) Πολιτικοί επίτροποι 1. Τσολάκης Σταύρος του Σταύρου β) Υγειονομικού 1. Ιωαννίδης Γεώργιος του Πέτρου "
- ↑ Байдик О. Д. Ультраструктурные изменения слизистой оболочки верхнечелюстной пазухи у больных одонтогенным синуситом
- ↑ Иванов Ю. В. Состояние слизистой оболочки верхнечелюстного синуса у больных с ороантральным сообщением в разные сроки после его возникновения
- ↑ „Применение эндопротезов из углеродной керамики и углепластика при хирургическом лечении вторичного деформирующего остеоартроза и анкилоза височно-нижнечелюстного сустава у дет…“. 2018-йил 10-августда асл нусхадан архивланган. Қаралди: 2021-йил 16-январ.
- ↑ „Анкилоз ВНЧС. Лечение анкилоза ВНЧС. Операция по методу Г. П. Иоаннидиса“. 2021-йил 22-январда асл нусхадан архивланган. Қаралди: 2021-йил 16-январ.