Geterostiliya

Гетеростилия (гетеро... ва юн. стйлос — устунча), уруғчи устунчаларининг ҳар хиллиги — ўсимликда чангчи чангдонлари билан уруғчи оғизчасининг нисбатан баланд-паст жойланишига кўра бир-биридан фарқланадиган 2 ёки 3 хил типдаги гулларнинг мавжуд бўлиши. Мас, гулда уруғчи оғизчаси чангчи чангдонидан пастда (қисқа устунчали), юқорида (узун устунчали), ўрта ҳолатда (ўрта устунчали) жойлашган бўлиши мумкин. Бу ҳодиса ўсимлик турлари популяцияларининг эволюцион мосланишларида юзага келган ва ўсимликларнинг кўпайиши ҳамда яшовчанлиги ошишида ҳаётий аҳамиятга эга. Г. гулли ўсимликларнинг 30 га яқин оила вакилларида кузатилади.

Адабиётлар

• ЎзМЕ. Биринчи жилд. Тошкент, 2000-йил