Geterotallizm

Гетероталлизм (гетеро... ва юн. тҳаллос — шохча, новда, бачки) — вегетатив ва генератив органларининг ташқи тузилиши жиҳатидан бир-биридан фарқ қилмайдиган баъзи сувўтлар ва замбуруғларда учрайдиган айрим жинслилик. Г. биринчи марта (1904) мукор замбуруғларда аниқланган. Жинсий органларининг тузилиши жиҳатдан кескин фарқ қиладиган айрим ҳар хил жинсли оомицетлар ва замбуруғлар ҳам Г.га мисол бўла олади. Замбуруғларда учрайдиган икки жинслилик эса гомоталлизм деб аталади.

Адабиётлар

• ЎзМЕ. Биринчи жилд. Тошкент, 2000-йил