Geterozigota

Гетерозигота (гетеро... ва зигота) — организмнинг гомологик хромосомаларида бирор ген ҳар хил аллелларининг мавжудлиги. Тажрибаларда гетерозигота ҳар хил аллеллар бўйича гомозиготаларни чатиштириш орқали олинади. Дурагайлар насли муайян ген бўйича гетерозиготалик бўлиб қолади. Баъзи генлар аллеллари фақат гетерозиготали ҳолида мавжуд бўлиши мумкин (ресессив летал мутациялар, доминант мутацияларнинг ҳам ресессив летал натижага олиб келиши). Одамларда тахминан 20% генлар гетерозигота ҳолидалбўлади. Ирсий касалликлар келтириб чиқарадиган ресессив аллеллар бўйича гетерозиготаликни (яъни мазкур касаллик ташувчиларни) аниқлаш тиббиёт генетикасининг асосий муаммоси ҳисобланади. Кўп аллелизмда гетерозигота ўрнига компоунд (инглизча: „cомпоунд“ — мураккаб) тушунчаси ишлатилади. Гетерозигота термини хромосомалар қайта қурилиши учун ҳам қўлланади (мас, инверсия, транслокация ёки б. бўйича гетерозигота).гетерозигота 2 тури бор

Адабиётлар

• ЎзМЕ. Биринчи жилд. Тошкент, 2000-йил