Gidravlik dvigatel

Гидравлик двигател - суюқликнинг механик энергиясини етакчи звено (вал, шток)нинг механик энергиясига айлантирувчи машина. Ишлаш тарзига кура динамик (гидравлик турбина, сув ғилдираги) ва ҳажмий (гидроцилиндр) хиллари бор. Динамик гидравлик двигателда етакланувчи звено суюқлик оқимининг ҳаракат миқдори моменти ўзгариши ҳисобига силжийди ва фақат айланма ҳаракат қилади. Ҳажмий гидравлик двигателда унинг иш органи суюкликнинг гидростатик босимидан ҳаракатланади; унинг етакланувчи звеноси чегараланган илгариланма-кайтма ёки илгариланма-бурилма ҳаракат ҳам (гидроцилиндрларда), чегараланмаган айланма ҳаракат ҳам (гидромониторларда) килиши мумкин. Гидравлик двигател иш қисмининг тузилишига кўра поршенли ва роторли турларга бўлинади. Поршенли гидравлик двигателда иш камераси қўзғалмас бўлиб, сиқиб чиқарувчи қисми илгариланма-қайтма ҳаракат қилади; роторли гидравлик двигателда иш камераси силжийди, сиқиб чиқарувчи қисми ҳаракат қилади. гидравлик двигателнинг аксиал роторпоршенли тури кенг тарқалган. Ҳажмий гидравлик двигател машиналарнинг гидравлик юритмаларида қўлланади. Иш суюқпигининг босими 35 Мн/м2 (350 кг куч/см2). Қуввати 3000 кВт бўлган гидромониторлар ишлаб чиқарилади.

Адабиётлар

• ЎзМЕ. Биринчи жилд. Тошкент, 2000-йил