Glioksal

Глиоксал (этандиал, диформил, оксалат алдегид), CҲО—CҲО — диалдегидларнинг оддий вакили, сариқ рангли кристалл. Мол. масса 58,04. Суюқланиш температураси 15°, қайнаш температураси 50,4°, зичлиги 1140 кг/м3. Сувда, спирт ва эфирда яхши эрийди. Сақланганда намлик таъсирида полимерланади. Г. таркибида иккита углероди бўлган бирикмаларни оксидлаб, саноат миқёсида эса этиленгликолни мис катализатори иштирокида дегидрогенлаб олинади. Тўқимачилик, тери, қоғоз ҳамда бўёқчилик саноатида ишлатилади.

Адабиётлар

• ЎзМЕ. Биринчи жилд. Тошкент, 2000-йил