Goldshmidt Viktor Morits

Голдшмидт Виктор Мориц (1888.27.1, Сюрих - 1947.20.3, Осло) — норвегиялик геокимёгар, геокимё асосчиларидан бири. Ослодаги Геология музейининг директори, Осло университети проф. (1914). Г. кимёвий элементларнинг геокимёвий таснифини ишлаб чиққан. Г.нинг кристаллар кимёси соҳасидаги ишлари элементларнинг Менделеев даврий системасидаги ўрни билан атом ва ион катталиклари ўртасида муҳим боғланиш борлигини очиб берди. Г. темир гурухидаги элементларнинг миграциясини, шунингдек, галлий, серий, скандий, бор, литий, рубидий, сезий, бериллий, селен, маргимуш, олтин ва платинали металларни Ер пўстида тарқалиш хусусиятини ўрганди.

Адабиётлар

• ЎзМЕ. Биринчи жилд. Тошкент, 2000-йил