Gorakhpur

Горакҳпур — Ҳиндистондаги шаҳар. Рапти дарёси бўйида. Уттар-Прадеш штатида. Аҳолиси 550 минг киши чамасида (1990-йиллар охири). Транспорт йўллари тугуни. Йирикт.й. устахоналари, йирик шакар-қанд заводлари, жут ф-каси бор. Кимё саноати (минерал ўғит ва кислота и. ч.) ривожланган. Тўқиш ҳунармандчилиги билан қадимдан машҳур. Университет (1957) бор. Аҳолисининг анча қисми қишлоқ хўжалигида ишлайди. Горакҳпур Англия ҳукмронлиги даврида инглиз мустамлакачи армияси учун Непалдан гуркҳ жангчиларини ёллаш маркази эди.

Адабиётлар

• ЎзМЕ. Биринчи жилд. Тошкент, 2000-йил