Gorelyef

Горелеф (франс. ҳаут — баланд ва релиэф — релеф, бўртма) — ҳайкалтарошлик тури. Тасвир (одам, ҳайвон, манзара ва б.)нинг ярмидан кўпроғи замин сатҳидан бўрттириб ишланади. Г. Қад. Рим, Юнонистон, Ҳиндистон меъморлиги, ҳайкалтарошлик ва безак санъатида кенг қўлланган (мас, Маҳараштра штати Карли қишлоғидаги ғор — Будда ибодатхонаси, мил. ав. И аср). Ўзбекистон ҳудудидаги Айритом (1—ИИ асрлар), Варахша (ВИИИ аср) ҳаробаларидан тош ва ганчдан ишланган Г.лар топилган (раққоса, созанда, от, жайран шакллари). Тошкент метросининг "Собир Раҳимов", "Буюк Ипак йўли", "Мустақиллик майдони" бекатларидаги лавҳаларда Г. қўлланган.

Адабиётлар

• ЎзМЕ. Биринчи жилд. Тошкент, 2000-йил