Granatomyot

Гранатомёт - 1) дастаки Г. душманнинг зирҳли нишонларига, жонли кучлари ва ҳарбий техникасига зирҳни тешадиган ёки парчаланадиган фугас топ билан шикаcт бериш учун мулжалланган қурол. Г.нинг бир марта ва кўп марта ишлатиладиган; тузилишига кўра, дастаки, милтиққа ўрнатиб ва станокка ўрнатиб отадиган; вазифасига кўра, танкка қарши, пиёдаларга қарши; стволининг тузилишига кўра, стволининг ичи силлиқ, қирқимли ва стволи букланадиган хиллари бор. Г.нинг калибри 30—90 мм, нишонга олиш узоклиги 1000 м гача. Милтиққа ўрнатиб отадиган Г.да граната ўқсиз патрон зарядининг порохли гази ёрдамида отилади.

Адабиётлар

• ЎзМЕ. Биринчи жилд. Тошкент, 2000-йил