Grigriy Kraynov
Georgiy Alekseyevich Kraynov (1933-yil 21-noyabr, Andijon — 2022-yil 4-iyun, Toshkent[1]) — sovet va oʻzbek davlat hamda siyosat arbobi, Oʻzbekiston Respublikasi Prezidenti Islom Abdugʻaniyevich Karimovning yordamchisi boʻlgan.
| Georgiy Kraynov | |
|---|---|
| Georgiy Alekseyevich Kraynov | |
 | |
| Tavalludi |
21-noyabr 1933-yil Andijon, Oʻzbekiston SSR |
| Vafoti |
4-iyun 2022-yil (88 yoshda) Toshkent, Oʻzbekiston |
| Fuqaroligi |
 SSSR →  Oʻzbekiston |
| Taʼlimi | Andijon davlat pedagogika instituti |
| Kasbi | Prezident maslaxatchisi |
| Faoliyat yillari | 1953—2022 |
Tarjimayi hol
Andijon davlat pedagogika instituti bitiruvchisi. Mehnat faoliyatini „Andijanskaya pravda“ gazetasida boshlagan. Musahhih, muharrir, mas’ul kotib, bosh muharrir oʻrinbosari lavozimlarida faoliyat yuritgan[2].
1976-yilda Kraynov Oʻzbekiston KP MK Targʻibot va tashviqot boʻlimining gazeta va jurnallar sektori mudiri lavozimiga tayinlanadi. Oradan bir yil oʻtgach, u KP MK birinchi kotibining yordamchisi etib tayinlanadi. U koʻp yillar davomida Sharof Rashidov bilan birga ishlagan.
Mustaqil Oʻzbekistonda Georgiy Kraynov Prezident yordamchisi, Prezident qabulxonasining bosh maslahatchisi, Prezident devoni Ishlar boshqarmasi umumiy boʻlimining protokol sektori mudiri kabi bir qator mas’uliyatli lavozimlarda ishlagan.
Birinchi Prezident nomidagi yodgorlik majmuasidagi faoliyati
2018-yildan umrining soʻnggi kunlarigacha Oʻzbekiston Respublikasi Prezidenti huzuridagi Oʻzbekiston Respublikasining Birinchi Prezidenti Islom Karimov nomidagi ilmiy-maʼrifiy yodgorlik majmuasida yetakchi ilmiy xodim lavozimida ishlagan[3].
Mukofotlari
Georgiy Alekseyevich „Oʻzbekiston Respublikasida xizmat koʻrsatgan madaniyat xodimi“ faxriy unvoni, „Doʻstlik“ va „Mehnat shuhrati“ ordenlari hamda „Sodiq xizmatlari uchun“ medali kabi davlat mukofotlari bilan taqdirlangan.
Manbalar
- ↑ „O‘zbekiston birinchi prezidentining yordamchisi Georgiy Kraynov vafot etdi“ (2022-yil 6-iyun).
- ↑ „O‘zbekiston birinchi prezidentining yordamchisi Georgiy Kraynov vafot etdi“ (2022-yil 6-iyun).
- ↑ „Islom Karimovning yordamchisi 89 yoshida vafot etdi“ (06 iyun 2022).