Guanime

Гуанимес – бу Колумбгача бўлган даврдан бери тайёрлаб келинадиган Пуэрто‑Рико таоми. Гуанимес сўзи Пуэрто‑Риконинг туб аҳолиси бўлган тайино индейслари тилида „маккажўхори нони“ деган маънони билдиради. Анъанавий равишда гуанимес маккажўхори уни, шакар, туз, буғдой уни ва сарёғдан тайёрланиб, банан баргига ўралади. Улар қуруқ шўрда пиширилган треска (баcалао гуисадо) билан ёки Пасха байрамида „муқаддас шўрва“ (cалдо де cоcо й песcадо, яъни кокос сути ва балиқдан тайёрланадиган шўрва) билан тортилади.

Гуаниме

Миллий ошхона	Пуэрто-Рико
Асосий компонентлари	маккажўхори уни, шакар, туз, буғдой уни ва сарёғ
Ўхшашлари	тамале ва асадоя замонавий пастелес

Келиб чиқиши

Гуанимес тамале ва асадояларга яқин таомдир. Маккажўхори унидан тайёрланган маса гўшти, ёнғоқ, балиқ, ловия ёки ҳеч нарса солинмаган ҳолда маккажўхори пўчоғига ўралади. Сўнгра у тамале ва асадоялар каби қайнатиб пиширилади. Пуэрто‑Рикодаги тайинолар турли хил илдизмевали экинлар ва қовоқни ҳам маккажўхори массасига эзиб қўшган ҳолда бу таомни тайёрлаганлар. Бу кейинчалик замонавий пастелес таомига айланган.

Замонавий Пуэрто‑Рико

Гуаниме хамири (маса) тайёрлаш учун қуруқ маккажўхори донлари юмшагунча қайнатилиб, кечаси сувда қолдирилади. Маккажўхори янада юмшагач, у туз, ёғ, шўрва ва кокос сути билан аралаштирилиб, нон хамирига ўхшаш масса ҳолига келтирилади. Хамирдан кичик миқдор олиниб, банан барги устига қўйилади ва кичик ўрама шаклида ясаб, баргга ўралади ҳамда икки учидан боғланади. Ўралгач, улар шўр сувда қайнатилади. Анъанага кўра шўр треска шўрваси билан тортилади.

Гуанимес де плáтано да маккажўхори ўрнига айнан шу масаллиқлар билан яшил платано (банан) ишлатилади.

Гуанимес дулcес – ширин гуанимес бўлиб, пишган ширин платано, маккажўхори уни, сут, кокос сути, майиз, ванил, анисун уруғи, асал ёки меласса билан тайёрланади. Шунингдек Русиао де юcа номи билан маълум бўлган кассава (юка)дан тайёрланадиган тури ҳам бор ва улар панжара (грил)да буғда пиширилади.

Яна қаранг

• Кариб денгизи ошхонаси
• Асадоя
• Пастелес
• Тамале