Gulchohra Mammadova
| Гулчоҳра Маммадова | |
 | |
| Ҳақиқий исми | Гулчоҳра Маммадова Ҳусейн қизи |
| Таваллуди | 1953-йил 24-апрел |
| Миллати | Озар |
| Соҳаси | Архитектор |
Гулчоҳра Маммадова Ҳусейн қизи (озарбайжонча: Гüлçöҳрə Ҳüсейн қıзı Мəммəдова). Озарбайжонлик аёл архитектори. Академик, архитектура фанлари доктори, Озарбайжон архитектура ва қурилиш университетининг президенти ректори (2021-йил). 2000 - 2005-йилларда Озарбайжон Миллий Ассамблеяси (ОМА) депутати ҳам бўлган.
Ҳаёти
Гулчоҳра Маммадова Ҳусайн қизи 1953-йил 24-апрелда ўша пайтда Совет Иттифоқи таркибига кирган Арманистон ССРнинг Арарат вилоятида туғилган. Унинг отаси Ҳусайн Маммадов Арманистонда жамоат ва сиёсий арбоб бўлган. Унинг отаси узоқ йиллар юқори сиёсий лавозимларда ишлаган. 3 йил Арманистон Олий Кенгаши депутати бўлган. Гулчоҳра 1971-йилда ўрта мактабни тугатгач, Озарбайжон Политехника институтининг архитектура факултетига ўқишга киради. 1976-йилда янги ташкил этилган Озарбайжон Қурилиш муҳандислари институтининг архитектура факултетини тамомлади[1].
Илмий мартабаси
1975-йил сентябр ойида Маммадова Озарбайжон қурилиш муҳандислари институтида комсомол котиби этиб сайланди. 1979-йилгача бу лавозимда ишлайди. 1979-йилда шу институтнинг “Архитектура конструксиялари ва ёдгорликларни таъмирлаш” кафедраси ассистенти лавозимида ишлай бошлади. Маммадова 1987-йилда кафедра мудири, 1991-йилда доцент, 2000-йилда профессор лавозимларига сайланган. 1999-йилда Озарбайжон архитектура ва қурилиш университетининг ректори этиб тайинланди[2].
Маммадованинг илмий фаолияти асосан Албания архитектураси ва ҳозирги Озарбайжон ҳудудидаги христиан диний ме'морчилигини ўрганиш билан боғлиқ бўлиб, 70 дан ортиқ илмий ишларни амалга оширган. Шу жумладан, 2 монография, 5 китоб ва 60 дан ортиқ мақола муаллифи ҳисобланади. У кўплаб ёдгорликларни қайта та'мирлаш ишларини амалга оширди. Булар қаторига Киш черкови, Ниж черкови ва Қум базиликасини қайта тиклаш ва илмий реконструксия қилиш лойиҳаларини келтириш мумкин. 1985-йилда "Албаниянинг илк ўрта аср христиан архитектураси" мавзусида номзодлик диссертациясини, 1999-йилда "Албаниянинг диний архитектураси" бўйича докторлик диссертациясини ҳимоя қилган[3].
У кўплаб халқаро илмий анжуманларни ташкил этишда иштирок этган. Тақдимотлар қилган, ме'морий ёдгорликларни реставрация қилиш бўйича бир қанча халқаро лойиҳаларга раҳбарлик қилган. 1985-йилдан Озарбайжон меъморлар уюшмаси аъзоси сифатида ишлади. Халқаро фанлар академиясининг Шарқий Европа бўлими ва Шарқ мамлакатлари архитектураси халқаро академиясининг а’зоси. 2006-йилда у Озарбайжонда хизмат кўрсатган архитектор фахрий унвонига сазовор бўлди[2]. 2009-йил 9-февралда Маммадова Палмес академия ордени билан тақдирланди. Маммадовага орденни Франсиянинг Озарбайжондаги элчиси Габриэл Келлер топширди[4]. 2013-йилда академик Микайил Ҳусейнов эсдалик медали[5] ва “Шоҳрат” ордени билан тақдирланган[6].
Сиёсий мартабаси
У 2000-2005 йилларда Озарбайжон Миллий Мажлисида (ОММ) ва 2010-йилдан бошлаб 2015-йилгача Янги Озарбайжон партиясидан депутат бўлган[2][1].
Манбалар
- ↑ 1,0 1,1 Алиева. „Сəнəтин қüдрəтинə тапıнан алим“ (аз) (2018-йил 30-июн). 2022-йил 19-декабрда асл нусхадан архивланган. Қаралди: 2020-йил 18-декабр.Алиева, Ирада (30 Жуне 2018). "Сəнəтин қüдрəтинə тапıнан алим" (Wайбаcк Мачине сайтида 2022-12-19 санасида архивланган). Азербаижан (ин Азербаижани). п. 10. Ретриэвед 18 Деcембер 2020.
- ↑ 2,0 2,1 2,2 „Азəрбайcан Мемарлıқ вə İнşаат Университетинин ректору, профессор, мемарлıқ доктору, Əмəкдар мемар Гüлçöҳрə Мəммəдова“ (аз). Унион оф Арчитеcц оф Азербаижан. 2020-йил 15-августда асл нусхадан архивланган. Қаралди: 2020-йил 18-декабр.
- ↑ „Гüлçöҳрə Ҳüсейн қıзı Мəммəдова“ (аз). Азербаижан Стате Неwс Агенcй (2009-йил 5-феврал). Қаралди: 2020-йил 18-декабр.
- ↑ „АЗƏРБАЙCАН МЕМАРЛИҚ ВƏ İНŞААТ УНİВЕРСİТЕТİНİН РЕКТОРУ ФРАНСАНИН “АКАДЕМİК ПАЛМА” ОРДЕНİ İЛƏ ТƏЛТİФ ОЛУНМУŞДУР“ (аз). Азербаижан Стате Неwс Агенcй (2009-йил 5-феврал). Қаралди: 2020-йил 18-декабр.
- ↑ „Мемарлар İттифақı üмуммилли лидер Ҳейдəр Əлиевин 90 иллик юбилейинə ҳəср олунмуş пленум кеçирмиşдир“ (аз). Азербаижан Стате Неwс Агенcй (2013-йил 3-апрел). Қаралди: 2020-йил 18-декабр.
- ↑ „Гüлçöҳрə Мəммəдова вə Cаванşир Паşазадə “Şöҳрəт” ордени илə тəлтиф эдилиблəр“ (аз). Азери Пресс Агенcй (2013-йил 3-апрел). Қаралди: 2020-йил 18-декабр.