Guldursun

Бу атаманинг бошқа маънолари ҳам мавжуд. Қаранг: Гулдурсун (маънолари).

"ГУЛДУРСУН" — ўзбек халқ ривояти. Гулдурсун қалъаси ҳаробалари тарихи билан боғлиқҳолда юзага келган. 1937 йилда С. П. Толстов томонидан ёзиб олинган. Ривоятда ХИИИ асрда Хоразм халқининг мўғул босқинчиларига қарши кураши акс этган. Ривоятга кўра, Гулистон ш.ни мўғуллар узоқ вақт қуршовда ололмай тутиб туради. Шаҳарда озиқовқат тугай деб қолганда, оқсоқоллар маслаҳати билан душманни чалғитиш режаси тузилади. Ҳимоячилар сўнгги дондунни бир неча сигирга едириб, уларни шаҳар ташқарисига ҳайдаб юбори-шади. Сигирларни сўйиб еган душман уларнинг ичидан чиққан буғдойни кўриб, ҳали шаҳарда озиқ-овқат кўп экан, деган хулосага келади ва қайтиб кетиш ҳаракатига тушади. Бироқ, душман лашкарбошисини қалъа девори тепасидан бир неча бор кўриб, унга ошиқ бўлиб қолган шоҳ қизи Гулдурсун қалъадан ташқарига мактуб чиқариб, душман лашкарбошисини бу сирдан воқиф қилади. Мўғуллар шаҳарга қайта ҳужум қилиб, уни вайрон қиладилар. Лашкарбоши эса ўзига пешвоз чиққан Гулдурсунни, "ўз элингга вафо қилмадинг, менга вафо қилармидинг", дея қатл эттиради. "Г."да хоразмликларнинг ёвга қарши курашдаги жасорати, юрт учун мардонавор жанглари, меҳнаткаш ва тадбиркорлиги улуғланган, эл-юрт хоинига бўлган кучли нафрат ўз ифодасини топган.

Ад.:Имомов К.. Ўзбек халқ прозаси, Т., 1981.

Адабиётлар

ЎзМЕ. Биринчи жилд. Тошкент, 2000-йил

Ушбу мақола çаладир. Сиз уни бойитиб, ЗиёСферага ёрдам бериşингиз мумкин.
Бу андозани аниқроғига алмаштириш керак.

Бу мақолада бошқа тил бўлимларига ишорат йўқ.
Сиз уларни топиб ва ушбу мақолага қўшиб, лойиҳага ёрдам беришингиз мумкин.